O Concello de Lugo a través da área de mobilidade e obras está a poñer en marcha un plan de renovación e mellora das paradas do transporte urbano, que contempla unha primeira fase a instalación de sete novas marquesiñas en diferentes puntos do municipio, así como a reparación e reposición doutras que presentan danos ou un notable deterioro.

 

Os traballos xa están en marcha e dúas das novas marquesiñas, situadas na avenida de Magoi e na avenida Fábrica da Luz, xa foron colocadas. Ambas están pendentes dos últimos traballos de montaxe, como a instalación das cristaleiras e do pavimento, para completar a actuación.

 

O obxectivo é mellorar as condicións nas que a cidadanía agarda polo autobús urbano, ofrecendo maior protección fronte á choiva, o vento ou o sol e facilitando unhas condicións máis adecuadas para as persoas usuarias do servizo.

 

A marquesina de Magoi converteuse nun exemplo visible da falta de xestión do anterior goberno local xa que permitiron que durante máis de ano e medio estivese inutilizada. O concelleiro de mobilidade explicaba que “permaneceu durante longo tempo danada tras sufrir un accidente de circulación e, posteriormente, foi retirada, polo que a parada quedou sen este elemento de protección para as persoas usuarias”.

 

O concelleiro de mobilidade e obras, Antonio Ameijide, destaca que a mellora dos servizos públicos tamén pasa por atender e resolver as cuestións do día a día.

“A xestión municipal tamén consiste en atender estas cuestións básicas. Esta marquesiña estivo durante moito tempo danada, posteriormente foi retirada e o problema quedou sen resolver. Queremos que as persoas que utilizan o transporte urbano conten con paradas en condicións adecuadas e imos avanzar progresivamente nesa mellora”, sinalan desde o Goberno local.

 

As novas marquesiñas están previstas inicialmente nas seguintes localizacións:

Nas vindeiras semanas está previsto continuar coa instalación das restantes marquesiñas e coa reparación e reposición das que se atopan danadas, dentro dunha planificación que se estenderá progresivamente a outros puntos do municipio.

 

Con estas actuacións, o Concello busca mellorar as condicións de espera das persoas usuarias do transporte urbano, ao tempo que favorece o uso do autobús público e unha mobilidade máis sostible na cidade.

 

• Antonio Ameijide, sobre o plan de renovación e reparación  de marquesinas de autobuses | Descargar mp3