A área de Medio Ambiente do Concello de Lugo, dirixida polo Tenente de Alcalde, Miguel Fernández, anunciou que o servizo municipal de recollida gratuíta de enseres quedou xa restablecido logo de que fora suspendido temporalmente como consecuencia da folga de transportes que se desenvolveu nos últimos días e que dificultou o traslado do material desbotado aos centros de xestión.

Desde o consistorio lémbrase á cidadanía que poden volver solicitar a recollida de voluminosos e pídese que non procedan ao depósito dos mesmos na vía pública, á beira dos colectores, até que non teñan asignada unha data concreta para a súa retirada.