O xerente de Evislusa, Benigno Jáuregui Fernández, informou no Consello extraordinario que a empresa pública celebrou esta mañá no salón de plenos da Casa do concello que o ente municipal asumirá o encargo de valorar o custo total da execución subsidiaria que o Concello planifica realizar antes de final de ano nun inmoble sito na avenida da Coruña, 24.

Devandito inmoble atópase desde hai anos nunha situación ilegal, xa que conta cun volume construído por encima da normativa. Ademais o seu propietario desatendeu de forma  reiterada todas as comunicacións enviadas polo Concello instándolle a que repoña a legalidade.

Por este motivo, e co obxectivo corrixir a situación administrativa e de paliar os prexuízos que esta edificación está a causar ás vivendas lindeiras, o Concello de Lugo comunicou no seu día que asume a realización dos traballos de forma subsidiaria. É dicir, realizará os traballos e repercutirá o custo á propiedade.

Para iso encargouse un proxecto que prevé a demolición de planta e media para eliminar o volume sobrante e adecuar as súas dimensións dentro do galibo que marca o PXOM, ademais de dotar á cuberta do edifico cos perceptivos sistemas de evacuación de augas que contribuirán ao correcto funcionamento da mesma evitando así prexuízos para as edificacións contiguas. Devandito proxecto será sobre o que se realizarán os traballos previstos para este exercicio segundo informou hai meses Urbanimso, pero é necesario, debido á subida de custos no sector da construción actualizar o seu orzamento.

Unha vez definido o orzamento final que se atopa xa moi avanzado, este será aprobado en Xunta de Goberno Local antes de que o Concello saque a licitación a execución dos traballos que se estima poidan estar executados ao alrgo deste exercicio.