Os traballos de rexeración, que tiveron un custo de 18.824 euros, incluíron a limpeza das beiravías e a extensión de formigón asfáltico no vial, dende a estrada LU-530 ata o propio núcleo.
A concellería de Medio Rural que dirixe Miguel Fernández vén de concluír os traballos de rexeneración e mellora dunha estrada que conduce ao núcleo de Carballido, dende a LU-530.
As obras de rexeneración, que supuxeron un investimento municipal de 18.824 euros, consistiron, fundamentalmente, na limpeza do vial, incluídas as beiravías, e na extensión de formigón asfáltico.
Miguel Fernández explicou que “a intervención obedece á necesidade de incrementar a calidade das infraestruturas do rural e de abordar tamén a súa conservación e mantemento, dando servizo á veciñanza dos núcleos co obxectivo de aumentar, alén da seguridade viaria, a durabilidade das dotacións públicas”, indicou o edil que fixo fincapé tamén na gran utilidade que esta estrada ten entre as persoas residentes na contorna xa que ademais de dar acceso ás vivendas conduce directamente á Igrexa.
