Delitos contra a seguridade viaria

A noite do día 28 un equipo de Atestados da Policía Local de Lugo desprázase ás inmediacións do campo de fútbol de As Gándaras, xa que se produciu un accidente de circulación no que un vehículo que se atopaba estacionado, nunha praza reservada para persoas de mobilidade reducida (sen autorización), inicia a manobra de marcha atrás e golpea a outro vehículo estacionado no lado oposto da calzada, co seu condutor no seu interior, negándose o condutor do vehículo que realiza a manobra para facilitar datos, presentando signos evidentes de acharse baixo a influencia de bebidas alcohólicas, sendo requirido para a realización das probas regulamentarias, ao que o condutor NÉGASE, a pesar de ser informado das consecuencias penais que iso supón, instruíndose dilixencias por delito contra a seguridade viaria na modalidade de Xuízo Rápido, afrontando unha pena de prisión de seis meses a un ano e privación do dereito para conducir vehículos de motor e ciclomotores por tempo superior a un e ata catro anos, procedendo á inmobilización do vehículo.

Así mesmo o condutor foi denunciado polas seguintes infraccións á normativa de Seguridade viaria:

• Presentar permiso de condución caducado.
• Estacionar en zona reservada a persoas de mobilidade reducida carecendo de autorización.
• Conducir sen a dilixencia suficiente para evitar dano propio ou alleo.
• Non comunicar a súa identidade a outras persoas implicadas nun accidente de tráfico.

Na rúa dos Canteiros unha patrulla da Unidade Territorial de Policía de Barrio da Policía Local de Lugo detecta a condución irregular dun vehículo, cuxo condutor presenta signos de embriaguez, sendo sometido ás probas de detección alcohólica, lanzando un resultado POSITIVO de 0,85 mg/l., instruíndose dilixencias por delito contra a seguridade viaria na modalidade de Xuízo Rápido, inmobilizando o vehículo.

Venda ambulante non autorizada

O pasado martes, unha patrulla da Unidade Territorial de Policía de Barrio da Policía Local de Lugo, de servizo no Parque da Milagrosa, con motivo da celebración do mercadillo semanal, sorprendeu a CINCO persoas ocupando espazo público para a venda ambulante, carecendo de autorización, sendo identificados e levantando acta de denuncia por infracción á Lei de Seguridade Cidadá, propoñéndose sanción de 600 euros a cada un deles.