Auxilio a cidadán

Ás 13’15 horas do xoves 22, a Sala do 092 recibe requirimento xa que, no interior dun garaxe da avenida da Coruña unha persoa maior caeuse e a súa esposa non era capaz de levantalo, polo que se despraza de inmediato ao lugar un indicativo da Unidade Territorial de Policía de Barrio.

Os axentes comproban que se trata dun home, de 80 anos de idade, que se atopa tendido no chan, ao marearse, e presenta unha ferida na cabeza, polo que se require a presenza dunha ambulancia do 061 e adóptanse as medidas básicas de precaución. O ancián é atendido no lugar e posteriormente trasladado ao HULA para unha mellor valoración.

Fiestra con risco de rotura

Ás 16’05 horas do mesmo día, a Sala do 092 recibe información sobre unha xanela aberta nunha vivenda da rúa do Miño, a cal, como consecuencia do vento, está a golpear contra a parede, co consecuente risco de rotura dos seus cristais e caída sobre a vía pública. O indicativo de Policía de Barrio desprazado ao lugar comproba a veracidade da información, ademais de que o edificio se atopa deshabitado, polo que, tras tentar poñerse en contacto co seu propietario, sen obter resultados positivos, requiren a presenza dos Bombeiros, que, a través dunha escaleira, logran alcanzar a primeira planta e pechar a xanela. O titular foi informado da actuación con posterioridade.

Árbore con risco de caída

Durante a tarde do xoves, un cidadán realiza unha chamada á Sala do 092 informando da existencia dunha árbore inclinada cara á calzada e con risco de caída nunha pista de Santa Eulalia de Calde, paralela á N-540. Se comisiona no lugar un indicativo de Policía de Barrio e comproban que, aínda que a árbore atópase lixeiramente inclinado cara á vía, non existe ao seu xuízo un risco inminente de caída, a pesar do cal contactan co titular da leira onde se sitúa a árbore, que lles informa que xa está en contacto cun profesional para a retirada do mesmo, que levará a cabo o máis axiña posible.

Requirimento por presunta agresión

Ás 5’05 horas do venres, cando unha patrulla do Grupo Operativo Nocturno prestaba servizo preventivo na rúa Bispo Aguirre, foi requirida por unha moza que manifestou que, instantes antes e cando se atopaba en compañía duns amigos, recibira tres puñadas na cabeza por parte dun individuo ao que non coñece e do que só pode dicir que ten o cabelo castaño  e que portaba na man unha botella ou unha arma branca.A moza manifesta que non necesita ningún tipo de asistencia médica, polo que é informada do procedemento para seguir para denunciar os feitos. Varios indicativos policiais realizan unha procura pola zona, sen que fose posible localizar ao presunto agresor.