A Policía Local de Lugo segue intensificando as súa actuacións en materia de seguridade viaria, con intervencións que poñen de manifesto a gravidade dalgunhas condutas detectadas e a necesidade de manter unha vixilancia constante para garantir a seguridade de todos os usuarios da vía pública.

Delito contra a seguridade viaria por exceso de velocidade en zona urbana

Na mañá do pasado 18 de marzo, arredor das 11:00 horas, os axentes da Policía Local detectaron unha velocidade récord ata a data en vía urbana de Lugo, no transcurso dun control de velocidade instalado no Polígono das Gándaras, dentro do seguimento continuo que se realiza nesta zona. Un vehículo foi captado circulando a 132 km/h nunha vía limitada a 50 km/h, unha velocidade que excede de forma desproporcionada os límites establecidos, alcanzando case o triplo do máximo permitido.

A detección produciuse nunha franxa horaria de alta concorrencia de vehículos e peóns, dado que a zona conta con establecementos de atención ao público, tales como tanatorios, cafetarías e outros locais de servizos viarios, o que aumenta exponencialmente a perigosidade desta conduta temeraria.

A rápida intervención dos axentes permitiu interceptar o vehículo e proceder á plena identificación do condutor, contra o que se iniciaron as correspondentes dilixencias penais por un delito contra a seguridade viaria. Unha vez detectada a velocidade no radar, os axentes, actuando cun criterio impecable de profesionalidade e plena disposición, decidiron seguir o vehículo de inmediato co fin de asegurar a súa identificación, conscientes da relevancia que ten para determinar con total certeza a autoría do delito e evitar calquera posible erro procesual posterior.

Durante o seguimento, o condutor do vehículo realizou varias maniobras neglixentes e antirregulamentarias, con derrapes e xiros bruscos nas inmediacións dun establecemento de hostalería, o que incrementou aínda máis a perigosidade da súa conducín. Nese momento, os axentes procederon á súa interceptación e plena identificación, logrando así sacar da circulación un condutor cuxa conduta supoñía un grave risco para a integridade e a seguridade de todos os usuarios da vía pública.

A velocidade rexistrada non só constitúe un atentado directo contra a seguridade dos demais, senón que ademais pon de relevo a necesidade e a eficacia deste tipo de controis policiais, que permiten detectar, identificar e actuar con firmeza fronte a quen adopta condutas de extremo perigo ao volante.

Esta actuación, inédita en canto á velocidade rexistrada en casco urbano en Lugo, reforza o compromiso da Policía Local de seguir vixiando zonas sensibles como esta, onde a gran afluencia de tráfico rodado e peonil fai imprescindible a contención da velocidade.

Delito contra a seguridade viaria por pérdida de vixencia do permiso de conducir

Ese mesmo día, ás 20:50 horas, nunha intervención na zona centro da cidade, os axentes detectaron un condutor que circulaba co permiso de conducirl con perda de vixencia, unha situación grave que tamén supón a comisión dun delito contra a seguridade viaria. A circulación carecendo da habilitación legal para conducirl é un risco evidente para todos os usuarios da vía e, por iso, iniciáronse de inmediato as dilixencias penais.

Campaña de control de velocidade na Rolda do Carme

Por outra banda, e dentro das campañas preventivas de control de velocidade que a Policía Local realiza de forma periódica, levouse a cabo durante varios días un dispositivo específico na Rolda do Carme. Como resultado deste control, formuláronse un total de 38 denuncias administrativas por exceso de velocidade.

Estas campañas, enmarcadas na planificación habitual da Policía Local, continúan cun claro obxectivo preventivo e de concienciación. A velocidade é un dos principais factores de risco na sinistralidade viaria, e este tipo de dispositivos buscan concretamente evitar accidentes antes de que se produzan, protexendo así a seguridade de todos.

Dende a Policía Local de Lugo lémbraselles aos condutores a obriga de respectar os límites de velocidade e a importancia de manter unha conducín responsable. Circular por riba destes, ademais de supoñer unha infracción administrativa e incluso penal como o caso que nos ocupa, pon en perigo a vida de quen circula ou transita pola cidade.