Delitos contra a seguridade viaria
Sobre as 00,05 horas do día 14 de novembro/21, un equipo de Atestados da Policía Local de Lugo desprázase á Avenida da Coruña xa que un turismo ao realizar a manobra de marcha atrás choca contra outro vehículo, observando os axentes que o condutor presenta signos de embriaguez, sendo sometido ás probas de detección alcohólica, lanzando un resultado POSITIVO de 0,60 mg/ l, abríndose expediente sancionador con multa de 1.000 euros e a retirada de 6 puntos do permiso de condución.
Sobre as 1,15 horas do mesmo día o equipo de Atestados acode á Ronda do Carmen xa que se produciu un accidente de circulación no que un turismo que circula polo carril esquerdo alcanza a outro vehículo, o cal debido á forza do impacto choca contra outro. Practícanse probas de alcoholemia aos condutores, lanzando o responsable do accidente un resultado POSITIVO de 0,94 mg/ l (case catro veces a taxa máxima permitida), instruíndose dilixencias por delito contra a seguridade viaria na modalidade de Xuízo Rápido.
Sobre as 5,34 horas desa mesma noite unha patrulla do Grupo Operativo Nocturno da Policía Local de Lugo detecta pola Avenida de Ramón Ferreiro un turismo que circula sen iluminación, dándolle o “alto” ao condutor e observando que presenta unha forte embriaguez, sendo sometido ás probas de detección alcohólica e lanzando un resultado POSITIVO de 1,24 mg/ l ( quintuplicaba a taxa máxima permitida), instruíndose dilixencias por delito contra a seguridade viaria na modalidade de Xuízo Rápido.
Sobre as 23,50 horas do día 14 de novembro/21 unha patrulla do Grupo Operativo Nocturno da Policía Local de Lugo detecta como un vehículo, que circula pola Avenida da Coruña, non respecta a luz vermella do semáforo na confluencia con xeito Grandio. Os axentes danlle o “alto” observando que o condutor presenta signos de embriaguez, sendo sometido ás probas de detección alcohólica, lanzando un resultado POSITIVO de 0,69 mg/l (case triplica a taxa máxima establecida), instruíndose dilixencias por delito contra a seguridade viaria na modalidade de Xuízo Rápido.
En todos os casos procedeuse á retirada e inmobilización dos vehículos.
Inspección de establecementos públicos
Na madrugada do día 15 de novembro/21, efectivos do Grupo Operativo Nocturno da Policía Local de Lugo realizaron unha inspección nun establecemento de lecer nocturno da rúa da Cruz, levantando acta de denuncia por infracción á normativa reguladora de espectáculos públicos e actividades recreativas por exercer a actividade coas portas abertas, transmitindo altos niveis de ruído ao exterior, derivados do funcionamento dun equipo de reprodución musical.
Auxilio a cidadáns
Sobre as 19,45 horas do día 14 de novembro/21 unha patrulla da Unidade Territorial de Policía de Barrio da Policía Local de Lugo acode a un inmoble da rúa Pintor Villamil xa que unha persoa de avanzada idade, ao saír da súa vivenda, esquecera as chaves no interior e non podía volver acceder á mesma.
Os axentes achan a esta persoa, unha muller de 86 anos, en estado de nerviosismo e tiritando de frío, polo que se require a presenza dunha dotación de Bombeiros que accede ao domicilio a través dunha xanela que se atopaba aberta, abrindo a porta desde o interior e permitindo así o acceso desta persoa, sen que necesitase asistencia médica.