Accidente de circulación e delito contra a seguridade viaria

A noite do día 12 de xullo, un equipo de Atestados da Policía Local de Lugo desprázase á confluencia da Avenida da Coruña coa rúa Monte Faro, xa que ao parecer produciuse un accidente de circulación no que un dos condutores implicados atópase moi alterado e quere abandonar o lugar sen facilitar a súa identidade. Os axentes comproban como no lugar do accidente só hai un turismo, manifestando a súa condutora que o condutor do outro vehículo implicado que, chocou contra o da súa propiedade golpeándoo na parte posterior, baixouse do vehículo levando un neno pequeno no asento dianteiro, trasladándoo ao asento posterior, subíndose a continuación no turismo e abandonando o lugar, negándose en todo momento a colaborar ou facilitar os seus datos. Unha vez facilitados os datos do vehículo fuxido ás patrullas de servizo, efectivos do Grupo Operativo Nocturno da Policía Local de Lugo localízano de inmediato na Avenida da Coruña, observando que no asento traseiro viaxa un neno de 6 anos, que resultou ser fillo do condutor, presentando este signos de acharse embriagado, sendo sometido ás probas de alcoholemia, lanzando un resultado positivo de 0,69 mg/l., polo que se instrúen dilixencias por delito contra a seguridade viaria. Para preservar a seguridade do menor contáctase coa nai, que reside nunha localidade próxima a Lugo, sendo conducido polos axentes ata o seu domicilio, facéndose cargo do menor que non resultou ferido. Pola súa banda a condutora e unha ocupante doutro vehículo refiren dor na zona cervical, sendo o seu desexo de acudir polos seus propios medios a un centro médico.

Filtros de seguridade viaria

Efectivos do Grupo Operativo Nocturno da Policía Local de Lugo, estableceron diferentes controis de alcoholemia e drogas en vías do centro urbano, co seguinte balance:

• Nun control establecido na rúa San Roque, en 35 minutos, detéctanse tres condutores que presentan signos de embriaguez, lanzando os seguintes resultados:

• 0,89 mg/l. Instrúense dilixencias por delito contra a seguridade viaria na modalidade de xuízo rápido, inmobilizando o vehículo.
• 0,62 mg/l.
• 0,63 mg/l Estes dous últimos condutores foron sancionados con 1.000 euros de multa e a retirada de 6 puntos do permiso de condución, inmobilizando os vehículos.
• Rúa Gardas. Detéctase a circulación irregular dun vehículo, cuxo condutor lanza un resultado positivo de 1,10 mg/l (máis de catro veces a taxa máxima permitida), instruíndose dilixencias por delito contra a seguridade viaria na modalidade de xuízo rápido.

• Xaquín Lorenzo. Condutor que lanza resultado positivo de 0,33 mg/l. Sanción de 500 euros e a retirada de 4 puntos.

• Rúa Tui. Condutor que lanza resultado postivo de 0,54 mg/l. Sanción de 1000 euros e a retirada de 6 puntos. Inmobilizáronse os vehículos.

Condutas incívicas

A tarde do venres 12, un axente de servizo na Oficina de Atención ao Cidadán da Xefatura de Policía Local, observa como varios mozos subíronse ao tellado dun centro de formación próximo, correndo sobre o mesmo e saltando dun pavillón a outro. Unha patrulla da Unidade Territorial de Policía de Barrio da Policía Local de Lugo logra identificalos, resultando ser catro mozos menores de idade, que manifestaron que estaban a xogar, poñendo estes feitos en coñecemento dos seus pais e levantando o correspondente parte de intervención policial.

Venda ambulante non autorizada

O venres día 12 de xullo, con motivo do mercadillo semanal que se celebra no Parque da Milagrosa, efectivos da Unidade Territorial de Policía de Barrio da Policía Local de Lugo han levantando tres actas de denuncia por infracción á Lei de Seguridade Cidadá, ao detectar a outros tantos vendedores ambulantes que ocupaban o espazo público para a venda ilegal, sendo propostos para sanción de 600 euros cada un deles. Un deles foi denunciado tamén por desobedecer as ordes dos axentes xa que ao detectar a presenza policial, comezou a correr non deténdose a pesar dos requirimentos que se lle indicaba, ata que foi alcanzado, sendo proposto para sanción grave á Lei de Seguridade Cidadá con multa, no seu grao mínimo, de 600 a 10.400 euros.