Detención por delito de violencia de xénero

Na tarde de onte unha patrulla da Policía Local de Lugo é comisionada pola Sala do 092 para que se traslade a unha vivenda da zona sur xa que unha persoa denuncia que unha muller está a ser agredida pola súa parella.

Os axentes preséntanse de inmediato no lugar e falan coa muller, visiblemente alterada. Os policías proceden á detención do presunto agresor, á vez que unha patrulla policial traslada á muller a un centro médico da cidade para que sexa atendida por un facultativo, para despois ser conducidos a dependencias policiais onde se instrúen dilixencias por un presunto delito de violencia de xénero.

Accidente de circulación e alcoholemia

Na tarde de onte día 13 de agosto, un equipo de Atestados da Policía Local de Lugo trasládase á Estrada de Orbazai xa que produciuse un accidente de circulación, observando como dous vehículos chocaran frontalmente, resultando feridos leves os condutores de ambos.

Os axentes someten aos condutores ás probas de alcoholemia, lanzando un deles un resultado positivo de 0,61 mg/l, instruíndose as dilixencias oportunas. (foto)

Delito contra a seguridade viaria

A madrugada do día 14 de agosto unha patrulla camuflada do Grupo Operativo Nocturno da Policía Local de Lugo, observa na Avenida de Madrid a condución errática dun vehículo que cambia de carril bruscamente. Tras darlle o alto, os axentes comproban que a condutora presenta signos de embriaguez, xa que as pupilas estaban dilatadas, tiña fala pastosa e despedía un forte cheiro a alcol. É sometida ás probas de alcoholemia, lanzando un resultado positivo de 0,92 mg/l (case catro veces máis da taxa permitida), instruíndose dilixencias por delito contra a seguridade viaria na modalidade de xuízo rápido, inmobilizando o vehículo.