Dispositivo de control de alcoholemia e drogas

Na tarde de onte, 10 de abril, por efectivos da Unidade Territorial de Policía de Barrio da Policía Local de Lugo, co apoio dun equipo de Atestados do Corpo, estableceuse un Dispositivo Estático de Control (DEC) na rúa Serra de Meira, co seguinte balance:

• Obsérvase como o condutor dun vehículo ao detectar o control, realiza un cambio brusco de sentido para evitalo, chocando contra un turismo estacionado, causándolle danos materiais, sendo inmediatamente interceptado por unha patrulla de reacción, observando que o condutor presenta signos de conducir con presenza de drogas no organismo, sendo sometido ás probas regulamentarias no equipo drogotest, arroxando un resultado POSITIVO en THC e COCAÍNA, instruíndose as oportunas dilixencias e inmobilizando o vehículo.
• Dáse o alto a un condutor que ao ser sometido ás probas regulamentarias arroxa un resultado POSITIVO en THC, abríndose expediente sancionador con multa de 1.000 euros e a retirada de 6 puntos do permiso de conducir, inmobilizando o vehículo.
• Na mostraxe realizada a numerosos condutores detéctase que un deles presenta signos de embriaguez, sendo sometido ás probas de alcoholemia, arroxando un resultado POSITIVO de 0,45 mg/l, abríndose expediente sancionador con multa de 500 euros e a retirada de 4 puntos do permiso de conducir, inmobilizando o vehículo.

Delito contra a seguridade viaria

De madrugada unha patrulla policial camuflada do Grupo Operativo Nocturno da Policía Local de Lugo detecta na Avenida de Ramón Ferreiro a circulación irregular dun vehículo que, ao ser detido, obsérvase que o seu condutor presenta signos de embriaguez, sendo sometido ás probas de detección alcohólica, arroxando un resultado POSITIVO de 0,67 mg/l, instruíndose dilixencias por delito contra a seguridade viaria na modalidade de Xuízo Rápido.

Así mesmo detéctase outro vehículo que circula de forma irregular pola rúa San Roque, arroxando o seu condutor unha taxa de alcol de 0,31 mg/l, abríndose expediente sancionador con multa de 500 euros e a retirada de 4 puntos do permiso de conducir, inmobilizando o vehículo.