Filtros de seguridade viaria

Durante a pasada madrugada, efectivos do Grupo Operativo Nocturno da Policía Local de Lugo intensificaron os controis de alcoholemia e drogas, empregando vehículos policiais rotulados e camuflados, detectando as seguintes incidencias:

DELITOS CONTRA A SEGURIDADE VIARIA

• Na avenida de Ramón Ferreiro dáse o alto a un vehículo que circulaba de forma irregular, comprobando os axentes a través das bases de datos policiais que o seu condutor CARECÍA de permiso por non obtelo NUNCA, sendo trasladado á Unidade de Atestados do Corpo onde se instrúen dilixencias por delito contra a seguridade viaria na modalidade de Xuízo Rápido, inmobilizando o vehículo. A condutora deste vehículo, de 48 anos, xa foi interceptada no mes de novembro de 2022 por efectivos do Corpo conducindo sen permiso, polo que xa lla abriron dilixencias por delito contra a seguridade viaria.
• Na rúa Illa de Man unha patrulla dá o alto a un vehículo, observando que o seu condutor presenta signos de acharse baixo a influencia de bebidas alcohólicas, sendo sometido ás probas de alcoholemia, lanzando un resultado POSITIVO de 0,72 mg/l., instruíndose dilixencias por delito contra a seguridade viaria na modalidade de Xuízo Rápido, inmobilizando o vehículo.

ALCOHOLEMIAS ADMINISTRATIVAS

• En rúa Amizade detéctase a circulación irregular dun vehículo cuxo condutor presenta signos de embriaguez, sendo sometido ás probas de detección alcohólica, lanzando un resultado POSITIVO de 0,48 mg/l., abríndose expediente sancionador con multa de 500 euros e a retirada de 4 puntos do permiso de condución, inmobilizando o vehículo.
• Na rúa Tui sorpréndese ao condutor dun patinete eléctrico que circula con signos de acharse embriagado, sendo sometido ás probas de detección alcohólica, lanzando un resultado POSITIVO de 0,42 mg/l., abríndose expediente sancionador con multa de 500 euros.

Recuperación dun aguia

Na mañá do día 7 de marzo unha patrulla da Unidade Territorial de Policía de Barrio da Policía Local de Lugo acharon, debaixo dunha ponte do paseo do Rato, un aguia culebreira que apenas podía moverse, sendo recollida e trasladada ao Centro de Recuperación de O Veral para o seu coidado. (Adxúntase imaxe)

Axuda humanitaria

Na mañá do día 8 de marzo unha patrulla da Unidade Territorial de Policía de Barrio da Policía Local de Lugo trasládase a un edificio da rúa Germán Alonso xa que unha persoa de avanzada idade caera no interior da súa vivenda e non era capaz de levantarse. Os axentes achan a esta persoa tirada no chan do dormitorio, manifestando que se caeu, sendo auxiliado polos policías que o incorporan, sentándoo nun sofá do dormitorio, rexeitando asistencia sanitaria xa que se atopaba ben.

Unha patrulla acode á Avenida Benigno Rivera xa que, segundo chamadas recibidas, na Sala do 092 unha persoa tendida no chan, comprobando os axentes que se trata dunha muller que manifesta que cando pretendía acceder ao interior do seu vehículo, este púxose en marcha, causándolle lesións, que en principio non revestían gravidade, sendo auxiliada polos axentes, presentándose momentos despois un ambulancia na que é trasladada a un centro hospitalario.