Venda ambulante sen autorización
Durante o dispositivo de vixilancia e control do mercadillo de Frigsa, celebrado o martes 3, os axentes da Unidade Territorial de Policía de Barrio procederon á incautación de gran cantidade de material que, de chegar ao consumidor, podería causar un grave risco para a saúde, xa que se trataba de comida para bebé, caixas de vitaminas, complementos alimenticios, galletas, cereais, chocolate soluble, café, azucre, etc…, de todo o cal se atopaba apto para o consumo, motivo polo cal se procedeu á súa retirada e destrución.
Ademais, tamén foron intervidos outros obxectos, tales como un amplificador, un pé de lámpada, auriculares, un altofalante, zapatos, etc.
Todo iso atopábase nunha zona da Avd. da Coruña, fronte ao acceso ao Parque da Milagrosa, tapado con pezas de roupa e á beira dun nutrido grupo de persoas.
Aparcacoches
Durante a mesma xornada, os axentes localizaron e denunciaron a unha persoa que, nas inmediacións do HULA, introducíase na calzada para indicar aos condutores os espazos que se atopaban libres na zona de estacionamento, poñendo así en risco a súa integridade física e causando un perigo para a seguridade viaria.
Discusión de parella
Ás 00’20 horas do xoves, un indicativo do Grupo Operativo Nocturno foi comisionado na rúa Juan Antonio Moreno Fuentes, xa que na Sala do 092 entrara un aviso sobre unha parella cunha forte discusión no interior dun turismo. Unha vez no lugar, os axentes comprobaron a veracidade da información, entrevistándose por separado con ambos os membros da parella, coincidindo os dous en que simplemente se trataba dunha discusión que, aínda que acalorada, non chegara máis aló, polo que os axentes deron por finalizado o servizo.
Ás 00’45 horas, a Sala do 092 recibe información sobre un caso similar, esta vez na Ronda das Fontiñas. Os axentes localizan á parella, que din que simplemente discutiron e a muller, como consecuencia diso, pasará a noite en casa dun familiar. Ao non existir indicios de violencia e non desexar denunciar ningún feito, os axentes finalizan o servizo.
Denuncia voda
Ás 15’30 horas do sábado, día 31 de agosto, a Policía Local recibe información sobre unha caravana de vehículos que circula pola Avd. da Coruña, cara ao exterior da cidade, retardando o tráfico rodado xa que, encabezado por un vehículo que circula a unha velocidade anormalmente reducida, cun individuo con medio corpo fóra do automóbil a través do oco do teito solar e posicionado case sobre o corpo do condutor, portando unha cámara de vídeo, circulan gran cantidade de turismos, no que parece ser o grupo de asistentes a unha voda.
Tras recibir información e queixas polas molestias que están a causar, tanto á circulación rodada como aos cidadáns en xeral, xa que os automóbiles facían soar o claxon de forma continua, realizando percorridos pola Avd. da Coruña, Paulo Fabio Máximo e varias vías máis da cidade, os axentes inician investigacións para a identificación dos mesmos, localizando varios vídeos a través da redes nos que se observan as condutas descritas.
A través das imaxes localizadas púidose conseguir a identificación do vehículo que encabezaba a caravana, iniciando un expediente sancionador por unha presunta infracción de conducir de forma neglixente, que levaría consigo a sanción económica de 200 euros. (Foto)