Accidente de circulación e delito contra a seguridade viaria

Na madrugada do día 2 de maio, un equipo de Atestados da Policía Local de Lugo desprázase á glorieta de cálea San Eufrasio coa Ronda das Fontiñas, xa que se produciu un accidente de circulación, comprobando que un vehículo, cando bordeaba a glorieta en dirección am rúa San Eufrasio, sáese da vía pola dereita, impactando contra o mastro dun sinal de circulación, observando os axentes que o condutor presenta signos de embriaguez, sendo sometido ás probas de detección alcohólica, lanzando un resultado penal de 0,73 mg/l, instruíndose dilixencias por delito contra a seguridade viaria na modalidade de Xuízo Rápido. (foto)

Delito contra a seguridade viaria

Na tarde do día de onte, unha patrulla da unidade territorial de policía de barrio da policía local de lugo é comisionada pola sala do 092 para que acuda ao polígono industrial de As Gándaras xa que segundo chamadas recibidas, un condutor circulaba de forma neglixente, sendo localizado pola patrulla que ao proceder á súa identificación comproba que carece de permiso de condución por non obtelo nunca, manifestando que estaba a realizar prácticas para obtelo, instruíndose dilixencias por delito contra a seguridade viaria na modalidade de xuízo rápido. No interior do turismo atopábase como acompañante o seu pai, polo que contra el instrúense dilixencias por un presunto delito como figura de cooperador necesario nun delito contra a seguridade viaria.

Condutas incívicas

A madrugada do día 1 de maio unha patrulla camuflada do Grupo Operativo Nocturno da Policía Local de Lugo, sorprendeu a catro novos ouriñando na vía pública, nos seguintes lugares:

• 3 mozos na Travesía do Miño.
• 1 mozo na rúa San Roque, contra a fachada dun edificio.

Os axentes levantaron actas de denuncia por infracción á Lei de Residuos de Galicia, propoñéndose ata 900 euros de sanción para cada un deles.