Delitos contra a seguridade viaria

No día de onte, efectivos do Grupo Operativo Nocturno da Policía Local de Lugo, co emprego de vehículos policiais rotulados e camuflados, intensificaron os controis de alcoholemia e drogas en vías do centro urbano, realizando diversos filtros de seguridade viaria, co seguinte resultado:

• Na Ronda das Fontiñas dáse o alto a un vehículo que ao identificar o seu condutor compróbase que CARECE de permiso de condución por non obtelo NUNCA, instruíndose dilixencias por delito contra a seguridade viaria na modalidade de Xuízo Rápido. Así mesmo requiriuse a presenza do titular do vehículo, sendo investigado por delito como cooperador necesario, polo que se instrúen tamén dilixencias contra o titular.
• Na Rolda da Muralla coa rúa Recatelo dáse o alto a un vehículo, observando que a súa condutora presentaba signos de acharse baixo a influencia de bebidas alcohólicas, lanzando un resultado POSITIVO de 1,09 na primeira proba á que foi sometida, NEGÁNDOSE a realizar a segunda proba obrigatoria, polo que se instrúen dilixencias por delito contra a seguridade viaria na modalidade de Xuízo Rápido.
• Detéctase en rúa da Xesta a circulación irregular dun vehículo, que ao ser detido obsérvase que o seu condutor presenta signos de embriaguez, sendo sometido ás probas de detección alcohólica, lanzando un resultado POSITIVO de 0,93 e 0,88 mg/l., instruíndose dilixencias por delito contra a seguridade viaria na modalidade de Xuízo Rápido, inmobilizando o vehículo.
• En Camiño Real dáse o alto a un vehículo, sendo sometido o seu condutor ás probas de alcoholemia, lanzando un resultado POSITIVO de 0,34 mg/l., abríndose expediente sancionador con multa de 500 euros e a retirada de 4 puntos do permiso de condución, inmobilizando o vehículo.
• Na República Arxentina sométese a outro condutor ás probas de alcoholemia, lanzando un resultado POSITIVO de 0,30 mg/l., abríndose expediente sancionador con multa de 500 euros e a retirada de 4 puntos do permiso de condución, inmobilizando o vehículo.

DROGAS

En cálea Gardas detéctase a circulación irregular dun vehículo, cuxo condutor presenta signos de consumir substancias estupefacientes, sendo sometido a un test de drogas, lanzando un resultado POSITIVO en COCAÍNA, abríndose expediente sancionador con multa de 1.000 euros e a retirada de 6 puntos do permiso de condución, inmobilizando o vehículo.