Accidente de circulación e delito contra a seguridade viaria
Sobre as 4:30 horas do día 11 de outubro, un equipo de Atestados da Policía Local de Lugo desprázase á rúa Xenebro xa que ao parecer produciuse un accidente de circulación, comprobando que un vehículo se saíu da vía, chocando contra un colector de residuos, observando que o seu condutor presentaba signos de embriaguez, sendo requirido para a realización das probas de alcoholemia, NEGÁNDOSE a iso, polo que é investigado por delito contra a seguridade viaria na modalidade de Xuízo Rápido.
Este condutor enfróntase a unha pena de prisión de seis a un ano e privación do dereito a conducir vehículos a motor e ciclomotores por tempo superior a un e até catro anos.
Controis de alcoholemia
No día de onte, efectivos do Grupo Operativo Nocturno da Policía Local de Lugo e equipos da Unidade de Atestados do Corpo, realizaron diversos filtros de seguridade viaria, en vías do centro urbano, co seguinte balance:
- Vehículo detectado na rúa Lamas de Prado nun control policial. O seu condutor presenta signos de embriaguez, sendo sometido ás probas de detección alcohólica, arroxando un resultado POSITIVO de 0,65 mg/l, abríndose expediente sancionador con multa de 1.000 euros e a retirada de 6 puntos do permiso de condución.
- No mesmo control dáse o alto a outro vehículo e o seu condutor arroxa un resultado POSITIVO de 0,35 mg/l.
- Minutos despois detense a outro vehículo, sometendo ao seu condutor a unha proba de alcoholemia, arroxando un resultado POSITIVO de 0,44 mg/l.
- Nestes dous últimos casos abriuse expediente sancionador con multa de 500 euros e a retirada de 4 puntos do permiso de conducir, inmobilizando todos os vehículos.
Furto
Na mañá do día 10 de outubro unha patrulla da Unidade Territorial de Policía de Barrio da Policía Local de Lugo é comisionada pola Sala do 092 para que se traslade a un establecemento da Praza de Augas Férreas, xa que ao parecer unha muller tentara subtraer un bolso e tíñana alí retida.
O persoal do local informou que unha muller subtraera bolso dunha das empregadas do local, que o tiña nun armario dentro da cociña, levándoo ao baño onde se apoderou dunhas lentes, notando a falta dunha tarxeta bancaria.
Os axentes identifican á presunta autora do feito, recoñecendo os feitos, alegando que necesita diñeiro, entregando as lentes á súa propietaria, sen poder achar o cartón a pesar de ser sometida a un rexistro, do mesmo xeito que o home que a acompañaba, dando a tarxeta inmediatamente de baixa e confeccionando os axentes o parte de intervención á espera da presentación da correspondente denuncia.