Detencións por violencia de xénero

- Sobre as 12:45 horas do día 23 de marzo unha patrulla da Unidade Territorial de Policía de Barrio da Policía Local de Lugo é comisionada pola Sala do 092 para que se traslade á Avenida da Coruña xa que un cidadán está a ver como un home está a agredir a unha muller.

Os axentes preséntanse de inmediato, manifestando a testemuña que observara como un home agarraba a unha moza e esta agarrábase a un sinal de tráfico para suxeitarse, agredíndoa coa man, indicando que a muller se refuxiara nun local de hostalería próximo e o home no portal dun edificio.

Os policías localizan á vítima que estaba a chorar, moi nerviosa e con marcas vermellas no pescozo e sangue nas uñas, informando do domicilio da súa parella, lugar ao que acode a patrulla que procede á identificación do home, que inicialmente di que non saíu de casa, pero posteriormente recoñece que tivo unha discusión coa súa parella por celos, procedendo á detención desta persoa por un presunto delito de violencia de xénero e o seu traslado a dependencias policiais onde se instrúen dilixencias para o Xulgado correspondente.

- Sobre as 4:00 horas do día 25 de marzo, unha patrulla do Grupo Operativo Nocturno da Policía Local de Lugo é comisionada pola Sala do 092 para que se traslade a un edificio da Rolda da Muralla xa que unha muller denunciaba que a súa exparella entrara á forza na súa vivenda e agrediráa. Os axentes preséntanse de inmediato entrevistándose coa vítima, a cal manifesta que a súa exparella, usando a forza, introduciuse no seu domicilio, causando varias desfeitas, para finalmente agarrala, agredila con golpes e puñadas que lle causan feridas e marcas no seu corpo, fuxindo a continuación o home do lugar.

Que coas características dadas do presunto agresor, as patrullas do Grupo Operativo Nocturno proceden á súa procura, sendo localizado tirado no chan, convulsionando, sendo auxiliado e requirindo a presenza dunha ambulancia na que é trasladado ao HULA, sendo custodiado en calidade de detido por efectivos do Corpo, instruíndose dilixencias por un presunto delito de violencia de xénero para a súa remisión á Autoridade Xudicial competente.

Delito contra a seguridade viaria

Na tarde do día 24 de marzo unha patrulla da Unidade Territorial de Policía de Barrio da Policía Local de Lugo detecta un vehículo pola Rolda da Muralla que realiza unha circulación en zig-zag, cambiando continuamente de carril, sen sinalizar a manobra, polo que se procede a dar o “alto” e, ao proceder á identificación do seu condutor, manifesta que non a leva consigo e dá datos incoherentes sobre a súa filiación, acudíndo a súa nai que achega un permiso de conducir a nome dunha persoa, observándose claramente que non se corresponde co condutor, polo que é trasladado a dependencias policiais onde se realiza proba lofoscopia de pegadas, logrando a súa identidade e comprobando que CARECE DE PERMISO DE CONDUCIÓN por orde da Autoridade Xudicial, sendo trasladado á Unidade de Atestados do Corpo onde se instrúen dilixencias por delito contra a seguridade viaria na modalidade de Xuízo Rápido, inmobilizándose o vehículo.

Así mesmo levántase acta de denuncia por infracción á Lei de Seguridade Cidadá por alegar datos falsos no momento da súa identificación.

Devandito condutor é multirreincidente xa que foi sorprendido por efectivos da Policía Local de Lugo na comisión dos seguintes delitos contra a seguridade viaria:

• Xaneiro de 2020. Detectado conducindo carecendo de permiso de condución por resolución xudicial.
• Xullo de 2021. Detectado con alta taxa de alcol e carencia de permiso de condución.
• Decembro de 2021. Involucrado en accidente de circulación con alta taxa de alcol e carencia de permiso.
• Novembro de 2022. Detectado con alta taxa de alcol e carencia de permiso de condución.
• Decembro de 2022. Detectado con alta taxa de alcol e carencia de permiso.
• Febreiro de 2023. Detectado conducindo sen permiso.

Desobediencia e resistencia a axentes da autoridade

Sobre as 5:00 horas do día 25 de marzo unha patrulla é comisionada pola Sala do 092 para que acuda a un local de lecer nocturno da rúa Mariña Española xa que a súa responsable denuncia que quere pechar e unha persoa négase a abandonar o establecemento.

Os axentes preséntanse no lugar e observan a unha muller moi nerviosa, que saíra do local pero que tiña intención de volver entrar, tratando os policías de acougala, momento no que profire insultos cara estes, tratando de arrincar un distintivo do uniforme dun deles, requiríndolle a súa identificación ao que se nega, sendo informada que de persistir na súa actitude sería trasladada a dependencias para a súa total identificación, ofrecendo resistencia para ser trasladada, instruíndose as oportunas dilixencias para a súa remisión ao Xulgado de Garda.

Recuperación de bicicleta eléctrica subtraída

Á primeira hora da tarde do día 24 de marzo unha patrulla da Unidade Territorial de Policía de Barrio da Policía Local de Lugo é informada que no Campo Castelo subtraeuse unha bicicleta eléctrica, mentres o seu propietario achábase no interior dun local de hostalería.

Coa descrición da bicicleta e coa axuda do vixiante de seguridade do Parque da Milagrosa, lógrase atopar a bicicleta coas alforxas e os aveños que levaba nunha zona elevada de herba, situada a unha altura duns 3 metros aproximadamente, á que hai que acceder escalando un muro, sendo entregada ao seu lexítimo propietario xa que manifestou o seu desexo de non formular denuncia algunha.