Auxilio a cidadáns

Sobre as 15:20 horas do día 8 de xullo, unha patrulla adscrita á Unidade Territorial de Policía de Barrio da Policía Local de Lugo é comisionada pola Sala de Comunicacións 092 para que se traslade a un edificio da rúa Virxe dos Ollos Grandes para auxiliar a un cidadán que non podía acceder ao seu domicilio xa que tiña unha perna escaiolada e debido ao seu peso corporal non tiña forza para subir as escaleiras.

Os axentes observan a un home de 63 anos que pesaba ao redor de 100 kg e utilizaba muletas e que debido á estreiteza do oco das escaleiras, optaron por sentar ao home nunha cadeira e un axente por diante e outro por detrás subiron a esa persoa ata a súa vivenda, deixándoo no seu interior, finalizando así o servizo.

Emerxencia sanitaria

Nos diferentes dispositivos que se están levando a cabo para o control do cumprimento das medidas de prevención necesarias para facer fronte á crise sanitaria ocasionada polo COVID -19, levantáronse TRES actas de denuncia a tres cidadáns por infracción á Lei de Saúde de Galicia ao incumprir a obrigación de utilización da máscara de protección cando se atopaban transitando por vía pública sen garantir en todo momento o mantemento da distancia de seguridade interpersoal e non se atopaban en ningunha das causas de exención contempladas na Real Decreto Lei 21/2020.

Establecementos públicos

Debido ás graves irregularidades detectadas, na noite do 8 de xullo, na inspección levada a cabo por efectivos do Grupo Operativo Nocturno da Policía Local de Lugo nun establecemento da rúa Salvador de Madariaga, axentes pertencentes á devandita Unidade, procederon a notificar ao encargado do local na madrugada do día 10 de xullo, o Decreto polo que se acorda como medida cautelar a suspensión da actividade no prazo de 24 horas seguintes á recepción da devandita notificación, coa advertencia de que en caso de incumprimento, procederase por efectivos deste Corpo Policial ao precintaxe do establecemento.