Área de Xestión Integral de Recursos Internos
Actualidade
Mércores, 04 de marzo de 2026
A Xunta de Goberno Local aprobou 9 novas prazas da Oferta de Emprego Público 2025 en áreas clave como servizos sociais, urbanismo, administración e transformación dixital.
A sesión aprobou tamén unha bolsa técnica para xestión de fondos europeos, unha permuta entre policías locais e o reforzo temporal da xefatura do servizo de bombeiros.
“Reforzar o persoal municipal é reforzar a capacidade do Concello para prestar mellores servizos á cidadanía”, destaca Ana González Abelleira.
A Xunta de Goberno aprobou ademais a prórroga da concesión do campo municipal “José Carballido Cerceda” ao CD Lugo ata 2036 e a cesión do aparcadoiro disuasorio da Avenida de Breogán.
Martes, 03 de marzo de 2026
O alcalde percorreu as instalacións acompañado polo CEO de AMSlab, Manuel Lolo, así como por representantes das empresas partícipes de Lugo Transforma e da xestora do fondo.
A compañía, que deu os seus primeiros pasos no CEI Nodus, supera as 30 persoas empregadas e mantén un crecemento anual superior ao 20%.
“En Lugo temos empresas capaces de competir a nivel internacional, atraer talento e desenvolver solucións punteiras que melloran a saúde e a calidade de vida das persoas”, destacou o rexedor.
Luns, 02 de marzo de 2026
Nesta edición, acordouse conceder este galardón a título póstumo á alcaldesa Paula Alvarellos, pola súa contribución cara unha sociedade máis igualitaria.
A vicepresidenta do Foro de Igualdade, Ángeles Novo, propuxo na última reunión deste organismo dedicarlle o “Entre Mulleres”, iniciativa que logrou o respaldo maioritario.
A entrega do premio, a partir das 17.00 horas, contará coa asistencia da irmá da rexedora para recoller unha distinción que recoñece o seu compromiso coa loita feminista.
Venres, 27 de febreiro de 2026
A área de Xuventude oferta un curso homologado de Prevención de Riscos Laborais en Albanelaría e unha formación teórico-práctica en Carnicería e Charcutería.
As dúas propostas son gratuítas, con prazas limitadas, e diríxense preferentemente a mozas e mozos de 18 a 35 anos.
“O +XTi aposta por formación útil e con saída laboral real, adaptada ás demandas actuais do mercado de traballo”, destacou o edil Jorge Bustos.