Toda a información respecto do servizo municipal de bibliotecas: onde está a Bibloteca, como se accede, que horario ten, cales son as normas de uso, como funciona o prestamo, que materiais se poden consultar en sala...
A Biblioteca Municipal atópase no interior do Parque da Milagrosa, fronte ao Auditorio Municipal Gustavo Freire.
Horario regular
Luns a venres, 10:30 - 14:00 e 16:30 - 20:00
Do 16 de setembro ao 31 de maio
Horario de verán
Luns a venres, 9:00 - 14:00
Do 1 de xullo ao 15 de setembro
O acceso á Biblioteca é libre e gratuíto.
Para a utilización dalgúns dos servizos, como o préstamo a domicilio ou o de novas tecnoloxías, os usuarios deberán estar en posesión do carné de lector.
Os menores de 9 anos que deberán acceder á Sala Infantil acompañados dunha persoa adulta.
O carné de lector é o documento que lle posibilita ao usuario o acceso á serie de servizos que ofrece a Biblioteca, como son o préstamo a domicilio, o uso de Internet, o préstamo en sala de algúns fondos, etc.
O carné de lector é persoal e intransferible.
Os requirimentos para o carné de lector son:
- Cubrir o formulario de solicitude e entregalo no mostrador da Biblioteca.
- Dúas fotos recentes tamaño carné
- Fotocopia dun documento oficial (DNI, Pasaporte ou Carné de conducir).
- No caso de persoas que no teñan a nacionalidade española, é necesaria a presentación do Permiso de Residencia ou Pasaporte.
- Os menores de 14 anos deberán presentar a autorización firmada por pai/nai ou titor/a.
É necesario mostrar un documento de identidade para recoller o carné.
O cambio de domicilio ou teléfono por parte do titular do carné de lector debe comunicarse á Biblioteca. A non actualización deste dato suporá a anulación do carné.
En caso de perda, o usuario deberá comunicarllo de inmediato á Biblioteca para evitar que se faga un uso indebido do mesmo.
Os usuarios da biblioteca han de respectar as normas da mesma:
- Absterse de realizar calquera conducta que puidera perturbar a lectura e a consulta
- Non alterar a orde dos documentos nas estanterías. Para elo deberán depositar os documentos utilizados na sala no contenedor habilitado para este uso
- Manipular os documentos con coidado. En caso de deterioro o usuario estará obrigado a repoñer o documento
- Os menores de 9 anos deberán en todo momento estar acompañados dun adulto. En ningún caso a biblioteca asume a custodia e a responsabilidade do control dos menores de idade
- Non se permite introducir na biblioteca alimentos nin bebidas
- Silenciar os teléfonos móbiles
No caso de non respectar estas normas, poderáselles expulsar ou impedir o seu acceso.
Para o servizo de consulta en sala a Biblioteca dispón de dúas salas, distribuídas da seguinte maneira:
- Planta baixa: Sala Infantil
- Primeira planta: Sala de Adultos
Os materiais obxecto de consulta van dende obras de referencia ata documentos específicos das distintas áreas do coñecemento, e en diversos formatos: libros, CD, CD-Rom, DVD, etc.
Co fin de facilitarlle ao lector o acceso á Biblioteca e o uso dos seus fondos, ofrécelles aos seus usuarios información sobre:
- Normas de uso da Biblioteca e a localización dos diferentes servizos
- Utilización dos fondos bibliográficos
- Uso e utilización do OPAC (catálogo en liña de la Biblioteca), bases de datos en CD-. ROM, acceso a Internet...
- Buscas bibliográficas sobre as distintas materia a través de diversas fontes como o catálogo automatizado, fondo de referencia, Internet ou bases de datos.
O servizo de préstamo ofrece ó público de forma totalmente gratuíta, a posibilidade de lectura e consulta nos seus domicilios de materiais de diverso tipo por un período de tempo preestablecido dende as distintas seccións da Biblioteca.
A utilización deste servizo supón a aceptación por parte do usuario das normas de préstamo
Poderán beneficiarse do Servicio de Préstamo de obras todas as persoas que posúan o Carné de lector da biblioteca.
O Carné dá opción á utilización da sección de préstamo da sala correspondente, de xeito que os menores de 14 anos en posesión do Carné Infantil non poderán levar documentos en préstamo da Sala de Adultos.
Poden retirarse un máximo de 3 obras en total.
O período de préstamo varía en función do formato da obra:
- Libros 15 días, renovables por outro período de 15 días, a non ser que outro lector fixese reserva do mesmo exemplar.
- Documentos multimedia 7 días, sen posibilidade de renovación.
Serán obxecto de préstamo todos os documentos existentes na Biblioteca, excepto:
- Os exemplares únicos ou aqueles que sexan difíciles de repoñer.
- As obras de referencia: enciclopedias, diccionarios, etc.
- As publicacións periódicas.
Poderán reservarse os documentos prestados, ata un total de dous, solicitándollo ao persoal da sala.
Non se fan reservas dos documentos audiovisuais.
Se a devolución da obra ou do documento reservado se produce antes de concluír o período de préstamo, a Biblioteca comunicaralle ao usuario que realizou a reserva a dispoñibilidade da mesma.
Os documentos reservados serán custodiados pola Biblioteca durante dous días e transcorrido o prazo serán inmediatamente reintegrados as estanterías.
A Biblioteca dispón de tres PCs equipados con Internet situados na sala de adultos os cales utilízanse previa reserva (por períodos de 1 hora como máximo). En eles o usuario poderá conectarse a Internet, crear documentos de Word, consultar o seu correo, etc.
Poden acceder a este servicio todos os usuarios da Biblioteca, previa presentación do Carné de lector.
A Sala Infantil dispón dun fondo bibliográfico xeral e especializado, adecuado ás necesidades dos nenos e nenas ata os 14 anos, e clasificado segundo as idades recomendadas.
Para os máis pequenos
- Atópanse nunha sala independente destinada a que os pais acudan cos nenos.
- A colección divídese por grupos de idade: ata 3 anos, e de 3 a 5 anos.
- Libros infantís organizados en catro seccións: Primeiras lecturas, A vida dos nenos, Primeiros coñecementos e Libros para ler en compañía.
- Materiais audiovisuais: películas, vídeos didácticos, discos, xogos de ordenador...
Para lectores infantís
- Divididos en grupos: De 6 a 8 anos, de 9 a 11 anos e de 12 a 14.
- CLibros de consulta (enciclopedias, diccionarios e una selección de libros das distintas materias), adecuados para a realización de consultas e traballos escolares na biblioteca
- Obras de literatura infantil e xuvenil, cómics, publicacións periódicas...
Na Sala de Adultos atópanse:
Sección de referencia
Comprende todo tipo de material de rápida consulta: diccionarios, enciclopedias, anuarios, atlas., etc.
Fondo destinado a préstamo a domicilio
Constituído por documentos de todas as materias, tanto de ficción como de non ficción, organizados segundo a Clasificación Decimal Universal.
Sección de Audiovisuais conta cunha colección de vídeos, DVD, CD e CD-ROM que poden consultarse na propia Biblioteca ou levarse en préstamo a domicilio.
Videoteca
- Películas cinematográficas
- Cine documental
- Material didáctico
Fonoteca
Discos de música clásica, pop, jazz, música galega, bandas sonoras de películas, etc.
- Prensa local e galega.
- Periódicos de distribución nacional.
- Publicacións periódicas de información xeral
- Publicacións periódicas especializadas en diversas materias: literatura, arte, informática, deportes, cultura, natureza, ciencia, etc.
- Boletíns oficiais
A Biblioteca Municipal organiza, entre outras, actividades de fomento da lectura, contacontos, visitas escolares e guías de lectura.