Os bombeiros foron alertados, ás 00.25 horas do día 9, dun incendio nun semiremolque estacionado na área de servizo da A-VI, no Concello de Guitiriz, no aparcadoiro a carón da gasolineira.
O lume quedou sufocado ás 2.00 pola dotación de bombeiros que se desprazou ao lugar e so afectou ó semiremolque e a carga de electrodomésticos que contiña, quedando practicamente calcinado.
Polo momento descoñécense as causa que provocaron este incendio.
No lugar dos feitos estivo unha patrulla da Garda Civil.

O Concelleiro de Protección da Comunidade, José Rábade, presentou hoxe os actos de celebración da Virxe dos Ollos Grandes, patrona da Policía Local, o vindeiro 1 de abril.

Rábade anunciou que este ano contará cunha programación de actos diferente.

O día 1 de abril haberá a tradicional recepción de autoridades no Concello a partir das 11:30 e continuará cunha Misa na Catedral, concretamente na capela do Bon Xesús.

Os bombeiros de Lugo celebrarán mañá sábado, 8 de marzo, a festivadade de San Xoán de Deus, o seu patrón. Como en anteriores ocasións, os bombeiros realizarán un desfile polo centro da cidade cos coches engalanados e utilizandos sirenas e luces. Esta actividade, que se realiza todos os anos, é seguida por moitos lucenses.

A continuación celebrarase a misa na honra de San Xoán de Deus na capela do parque de bombeiros.

Como en anteriores anos, a víspera da celebración, o parque de bombeiros abriuse aos rapaces da cidade.

A Comisión de Seguemento da Ordenanza Xeral Municipal da Contaminación Acústica reuniuse hoxe para estudar as alegacións presentadas á mesma polos grupos da oposición e a Confederación de Empresarios de Lugo. Foron en total 36 alegacións as estudadas, aprobadas a maioría totalmente ou en parte.

O Concelleiro de Protección da Comunidade, José Rábade, explicou que “se chegou ó acorgo de redactar xa o proxecto definitivo da ordenanza”. Unha vez redactado, será enviado a Asesoría Xurídica, pasará á Xunta de Goberno para levalo a aprobación inicial no Pleno.