A Xunta de Goberno Local do Concello de Lugo aprobou esta mañá a apertura do procedemento de adxudicación do contrato de 25 prazas para a atención de persoas maiores dependentes. A Concelleira de Economía e Emprego explicou que o servizo contará cun orzamento de 213.600 euros, o que supón un total de 712 euros mensuais por praza, “unha cantidade que destinamos a gasto social para un servizo moi demandado polas persoas maiores e que está ter resultados moi satisfactorios”.
A Xunta de Compras celebrada hoxe validou o gasto para acometer melloras e mantemento do CEIP A Ponte, por un importe de 8.688 euros. Ademais, autorizou un investimento de 25.000 euros para obras de mellora e mantemento da gardeiría Municipal Serra de Outes. As obras inclúen pintar a escola por dentro e arranxar o chan de corcho, entre outros.
O Concello de Lugo, a Deputación Provincial -a través do Inludes- e a Universidade de Santiago -a través da Aula TIC-PEMES- presentaron esta mañá os resultados do proxecto de Dinamización Tecnolóxica que permitiu introducirse nas novas tecnoloxías a 42 empresas/asociacións de Lugo e da provincia.
O pasado 20 de xuño rematou o período voluntario de pago dos recibos do Imposto de Vehículos de Tracción Mecánica e o primeiro trimestre do recibo de auga e recollida de lixo do 2009.
A Xunta de compras celebrada esta mañá no Concello de Lugo autorizou a contatación do servizo de subministro eléctrico á empresa Fenosa o que posibilitará un aforro ao Goberno Local de 69.500 euros con respecto ao exercicio anterior.
Trátase dunha contratación temporal á espera da sinatura do convenio para subministración de enerxía eléctrica de baixa tensión na que traballa o Concello.
O Alcalde de Lugo presentou esta mañá a terceira convocatoria do Plan PILES que este ano recollía a contratación de 20 empregados aos que se sumarán 11 novos contratos anunciados hoxe. O Alcalde referiuse así ao esforzo levado a cabo polo Concello de Lugo “nun dos temas que máis nos preocupa, como é o tema do paro”.
O Plan pretende reactivar o mercado laboral, ao tempo que se contribúe na mellora e mantemento da cidade e do seu contorno, tanto no centro, como nos barrios e na zona rural.
A Mesa de Contratación do Concello de Lugo abriu onte as plicas para a contratación das obras de peonalización do Parque de A Milagrosa, Fase 1, incluídas dentro dos 79 proxectos do Fondo Estatal de Investimento Local de Lugo.
Foron oito as empresas que presentaron a súas ofertas, aínda que unha foi inadmitida ao non presentar todos os requisitos.
O Alcalde de Lugo, José López Orozco, destacou hoxe que o proxecto Lugoqualitas e a nova web sobre a UE europedirect constitúen unha aposta do Goberno polo “coñecemento como materia prima inesgotable”. O Alcalde de Lugo participou esta mañá xunto coa Concelleira de Economía e Emprego, Sonia Méndez, na entrega de diplomas aos participantes no programa Lugoqualitas. No mesmo acto, deuse a coñecer a nova web do Concello con información sobre a UE, www.lugo.es/europedirect .
A Concelleira de Economía e Emprego do Concello de Lugo, Sonia Méndez, defendeu esta mañá que as subvencións destinadas a través do Plan Urban ao cambio de mobiliario das terrazas dos establecementos hostaleiros do centro histórico colaborarán na construción dunha “cidade harmónica e de futuro”. Así, nunha comparencia ante os medios de comunicación, explicou que este ano se van destinar ao proxecto un total de 300.000 euros, cantidade que espera manterse de xeito anual ata o 2011.
A Xunta de Goberno Local celebrada hoxe, mércores 3 de xuño, adxudicou provisionalmente a docencia especializada de cinco cursos de formación no marco do proxecto Lugo Emprego Activo por valor de 168.122 euros.
Páxinas
- « primeira
- ‹ anterior
- …
- 233
- 234
- 235
- 236
- 237
- 238
- 239
- 240
- 241
- …
- seguinte ›
- última »