A revista Foeminas publica un novo número que xa se pode ler na páxina web. Esta publicación virtual chega ao número dezanove da súa andaina.

O sumario deste décimonoveno número aborda os seguintes temas:

- No apartado de Historia de Mulleres ríndeselle unha homenaxe á heroína María Pita.

- Na Galería de Arte presentamos a obra da gran artista vangardista Tarsila do Amaral.

- Na Portada ofrécese unha reflexión sobre a festa do orgullo gay, lésbico, bisexual e transexual celebrada en Madrid.

O vindeiro xoves 23 de agosto proxectarase a última película do Ciclo de cine de verán na rúa que organiza o Servizo Municipal de Prevención de Drogodependencias. Nesta ocasión os asistentes disfrutarán a partir das 22:30 horas na praza do Castiñeiro de El secreto de los Mac Cann. O filme conta a historia dun mozo que, obrigado pola súa nai, vai pasar o verán na granxa dos seus excéntricos tíos en Texas.

As oficinas de atención ós inmigrantes atenderon case 1.000 consultas no último semestre do 2006.

O Alcalde de Lugo, José López Orozco, e o Secretario Xeral de Emigración, Manuel Luis Rodríguez González, renovaron o convenio de colaboración para este ano que permitirá ó Concello seguir ofrecendo un servizo de información e orientación ás personas inmigrantes e emigrantes retornados. No transcurso do acto, déronse a coñecer outras medidas para este ano que favorecerán a inserción destas persoas.

O Alcalde destacou que “ninguén emigra porque quere”.

O Servizo Municipal de Prevención de Drogodependencias comeza hoxe unha serie de actividades dirixidas a mozas e mozos do Concello e subvencionadas polo Plan Nacional de Drogas e a venda de obxectos decomisados na loita contra as drogas.

O primeiro destes programas leva por título “E ti, ¿comunicas?” e consiste nunha serie de sesións para promocionar as habilidades sociais. Terán lugar todos os xoves e venres até o 23 de marzo, de catro a sete da tarde. Está dirixido a mozas e mozos de 12 a 20 anos.