Os cativos das colonias de verán multideporte organizadas polo Azkar Prone participarán nunhas xornadas de convivencia postas en marcha pola Concellería de Benestar Social e coas que pretenden achegar ós cativos o coñecemento dos distintos barrios da cidade.

Trátase de xornadas que duran arredor de dúas horas e que comezan ás 10:30 da mañá. Nelas os rapaces das colonias compartirán actividades ó aire libre cos cativos de distintos barrios da cidade.

A revista Foeminas publica un novo número que xa se pode ler na páxina web. Esta publicación virtual que cumpre este mes o ano e edio de vida, chega ao número dezaoito da súa andaina.

Este número tén un carácter moi especial, pois supón un reto despois do éxito de lectores acadado ao longo do ano pasado con 24.067 visitas.

Servizo de Prevención de Drogodependencias do Concello de Lugo organiza un Curso de Primeiros Auxilios en caso de drogadicción. Esta acción formativa é gratuíta e vai dirixida a mozos e mozas menores de 35 anos.

O seu programa educativo busca establecer unhas nocións básicas para aplicar primeiros auxilios en xeral, pero sobre todo, para poder auxiliar en caso de intoxicaciones por abuso de drogas.

As actividades de verán organizadas polo Concello de Lugo continúan no mes de agosto con novos cursos que se celebrarán nos centros sociais municipais e nas instalacións deportivas.
A piscina municipal de As Pedreiras acollerá nos meses de agosto e setembro os Cursos Intensivos de Natación para nenos de entre 3 e 9 anos. Os cursos abarcan distintos niveis de aprendizaxe e ofertan 102 prazas.