O xurado do concurso para a peonalización da rúa San Marcos elixiu esta mañá o anteproxecto gañador que responde ao presentado por Dopi Arquitectos Asociados SLP, Camina Ingeniería S.L. e Arborejardin SL.

O anteproxecto elixido polo xurado, entre os dez presentados, destaca pola súa calidade e pola recuperación deste espazo público e a adecuación do contorno. Ademais, unha das características destacadas polos membros do xurado foron as medidas de accesibilidade propostas.

A Comisión de seguimento da erradicación do chabolismo de Lugo acordou hoxe reunirse novamente para celebrar unha comisión técnica que adxudique os inmobles ás familias beneficiadas, unha vez estea rematado o proceso de escrituración dos pisos.

A Administración Local informou aos participantes na xuntanza de que xa ten rematado a compra das 15 vivendas comprometidas para as familias adxudicatarias.

A Concelleira de Benestar e Igualdade, participou esta mañá na presentación da 19ª Edición do Festival de Jazz de Lugo que terá lugar do 9 ao 14 de novembro promovido polo Concello de Lugo a través da Concellería de Cultura e Turismo que dirixe Concepción Burgo.

O Goberno Local elevará ao Pleno do próximo luns o apoio á solicitude formulada pola Asociación pola Defensa do Parque de Rosalía e o seu contorno na que se formula a declaración por parte da Xunta de Galicia de Ben de Interese Cultural (BIC) o Parque de Rosalía e o seu contorno.