Que HOXE as 13:00 horas , na sede desta Asociación, Ramón Montenegro, 15 entrechán, Lugo, terá lugar o Acto de clausura e entrega de diplomas do curso de Camareiro Rte. Bar, que se levou a cabo entre a Dirección General de la Ciudadanía Española en el Exterior, co financiamento do F.S.E. No curso participaron dez alumnos procedentes de Arxentina e Uruguay, dentro do programa de xóvenes do Ministerio de Trabajo e Inmigración.
A Concellería de Infraestruturas que dirixe José Piñeiro, está a xestionar este ano máis de 6.500.000 euros de fondos para realizar melloras en todos os barrios da cidade atendendo ás necesidades de cada un deles. O Concelleiro indicou en rolda de prensa que unha boa parte deste orzamento provén dos fondos do Fondo Estatal de Investimento Local que supoñen un total de 4.955.741 euros para a realización de 19 proxectos.
A Escola Politécnica Superior de Lugo e a Asociación Galega de Amigos da Maquinaria Agrícola Clásica (AGAMAC) outorgaron este martes 9 o Primeiro Premio AGAMAC a Proxectos de Mecanización Agraria ao estudante Iván Raposo Injerto, que foi galardoado cun diploma, unha placa conmemorativa e 300 euros, polo seu ‘Estudo técnico de clavadora de estacas con alimentador’.
O Alcalde de Lugo, José López Orozco, e a Concelleira de Muller e Benestar Social, Carmen Basadre, participaron na entrega dos premios do concurso organizado por Carrefour e o Concello con motivo da celebración o pasado venres 5 de xuño do Día Mundial do Medio Ambiente.
O Concelleiro de Deportes, José Manuel Díaz Grandío, e o representante da directiva do Club Fuvial, Bernardo Sánchez, e Jose Antonio Fernandez, director técnico da escola de piragüismo do club presentaron os cursos de piragüismo organizados polo Concello de Lugo e a entidade lucense que permitirá aos rapaces e rapazas de a partir de 10 anos iniciarse neste deporte tan arraigado na cidade.
A Concelleira de Muller e Benestar Social, Carmen Basadre, e o Concelleiro de Deportes, José Manuel Díaz Grandío, presentaron hoxe a unha nova edición de Imos Andando, unha actividade organizada conxuntamente por estas dúas Concellerías e dirixida principalmente aos maiores de 60 anos, que terá lugar o mércores 17 de xuño.
A Concelleira de Xuventude, Rosana Rielo, presentou algunhas das novidades que incluirá o programa do Arde Lucus MMIX.
A responsable da área de Xuventude indicou que este ano, no que se deseñou unha programación aínda máis ampla e complexa para o Arde Lucus que en edicións anteriores, aparecen outras novidades moi relacionadas coa recreación histórica dos oficios.
A xornalista Belén Puñal, e responsable da área de muller e investigacións de comunicacións en materia de xénero do do Colexio Profesional de Xornalistas de Galicia, presentou ante varios representantes do Foro de Participación Cidadá en Materia de Igualdade o Informe sobre o sexismo na publicidade dos medios de comunicación de Galicia.
Este estudo proporciona unha ferramenta ao sector da publicidade para ollar a súa produción dende o punto de vista do xénero e lanza un reto de cara a súa capacidade creativa.
O vello cárcere de Lugo será o principal escenario no que se desenvolve o argumento da película francesa Suerte. Mañá comeza o rodaxe deste filme do director, Jacques Sechaud, e o director de producción, Thierry Baudrais, baseado nunha novela de Claude Lucas.
Ao longo de máis de dez días gravarase a película que conta a historia de Christian Lhorme -adaptada da vida do escritor, Claude Lucas- un atracador afeccionado e solitario que elixiu unha existencia desarraigada e sen finalidade algunha, que o levou ao cárcere.
O Servizo de Prevención de Drogodependencias do Concello de Lugo, realizará diferentes intervencións no botellón do Parque de Rosalía de Castro entre hoxe venres 5 de xuño e o sábado 27 todos os venres e sábados en horario de 23:00 a 2:00 horas.
Páxinas
- « primeira
- ‹ anterior
- …
- 1591
- 1592
- 1593
- 1594
- 1595
- 1596
- 1597
- 1598
- 1599
- …
- seguinte ›
- última »