O Concello de Lugo abriu recentemente un novo centro de Convivencia, o Maruja Mallo, no que se encadra o centro de día Antonio Gandoy. Trátase dun equipamento adscrito a Área de Muller e Benestar social do Concello de Lugo que na actualidade ven prestando os servizos de atención a persoas maiores e que ten o obxectivo de apoiar ás familias que atenden ós maiores.

O Alcalde de Lugo, José López Orozco, trasladoulle esta mañá ao reitor da Universidade de Santiago de Compostela, Senén Barro, “a confianza no seu bo facer” respecto ao campus de Lugo, ao tempo que lle pediu “o máximo esforzo para que a Facultade de Ciencias, que tan ben está traballando, siga facéndoo polo desenvolvemento científico e intelectual da provincia”.

O Alcalde de Lugo, José López Orozco, e a Concelleira de Muller e Benestar Social, Carmen Basadre, visitaron esta tarde as instalacións municipais do Barrio do Castiñeiro.

O Concello de Lugo ven desenvolvendo nesta zona un bo número de actividades de lecer e formativas, tanto na rúa como nas infraestruturas municipais coas que se foi dotando ao barrio nos últimos anos.

O concerto do grupo Oh Trío dará continuidade mañá mércores 22 ao programa de verán do Convenio Lugo Cultural, que integra o Concello de Lugo, a Vicerreitoría de Cultura da USC, a Vicepresidencia Primeira da Deputación Provincial, Creación e Difusión Cultural da Xunta de Galicia e a Fundación Caixa Galicia. Co nome de ‘Entre Lusco e Fusco’, celebraranse varias actuacións musicais co obxectivo de recuperar zonas naturais como espazo escénico para a música.