A Concellería de Servizos Xerais e Modernización Administrativa, que dirixe Francisco Fraga, realizará durante este verán os cursos "Aprende e disfruta co inglés". Estes cursos, que se impartirán en oito telecentros da zona rural, están dirixidos a nenos e nenas de entre 6 e 15 anos, aproveitando os medios informáticos cos que están dotados os telecentros rurais.
A Concelleira de Servizos Sociais, Ana González Abelleira, presentou esta mañá un balance dos datos recollidos polos técnicos da súa área durante o primeiro semestre deste ano 2012. Neste sentido, destacou que “no que vai de ano fixéronse preto de 9.000 intervencións informativas, seguimento e xestión aos 3.889 solicitantes de axuda o que significa o aumento das necesidades dos veciños e veciñas”.
A concelleira de Infraestruturas e Axenda 21 do concello de Lugo, a nacionalista Paz Abraira, visitou as obras da Rúa Otero que comezaran en xaneiro deste ano. Con esta obra remata a renovación das infraestruturas, beirarrúas e asfaltado desta rúa da cidade. A obra dividiuse en dúas fases. Nunha fase anterior executárase o tramo comprendido entre a Avda. da Coruña e a rúa Rio Eo. Nesta segunda fase adecuouse o tramo que vai desde intersección coa Rúa Rio Eo ata a intersección coa Rúa Rio Sil.
Segundo a edil de Infraestruturas e Axenda 21 do concello de Lugo “esta actuación executarase coa sensibilidade que o espazo merece”
O Concelleiro de Servizos Xerais, Francisco Fraga, informou esta mañá da contratación de obras de mellora nas instalacións do Cemiterio Municipal San Froilán. Con esta actuación vanse “realizar unha serie de obras nas cunetas, canos, taxeas e salvapasos que nos permitirán recuperar máis de 1.300 metros das mesmas” segundo manifestou o Concelleiro.
O Concello e a Deputación de Lugo en colaboración coa Fundación Laboral da Construción dánlle formación laboral a máis de 40 persoas e algunhas delas xa atoparon traballo
O Concelleiro de Deportes, José Manuel Díaz Grandío, participou hoxe na presentación do VII Criterium e a XXIX Volta Aérea a Galicia, xunto co Vicepresidente Primeiro da Deputación, Antonio Veiga, a Deputada Pilar García Porto, en representación da Fundación TIC, e o Presidente do Real Aeroclub de Lugo, Luis Abelleira.
O Alcalde, José López Orozco, e o Vicerreitor de coordinación do Campus de Lugo, Pedro García Herradón, asinaron hoxe o convenio que regula a adhesión da Universidade de Santiago de Compostela ao proxecto de cooperación transfronteiriza Muralla dixital.
A Concelleira de Servizos Sociais, Ana González Abelleira, anunciou esta mañá que a principios da próxima semana sairá publicado no DOG as bases reguladoras da convocatoria para a concesión de subvencións para a realización de proxectos de cooperación ao desenvolvemento e sensibilización social para este ano. Desta maneira, as ONGD, poderán solicitar ditas axudas para levar a cabo proxectos concretos de cooperación en países menos desenvolvidos e de sensibilización na cidade de Lugo.
Carmen Basadre anuncia novos obradoiros sobre as redes sociais e a procura de emprego para o próximo curso
A Concelleira de Benestar Social, Igualdade e Xuventude, Carmen Basadre, informou do éxito de participación acadado polo programa de prevención Previlugo levado a cabo durante o curso 2011-2012 e no que participaron 1.740 rapaces e rapazas. Os obradoiros desenvolvéronse en 8 centros educativos da cidade e tiveron como destinatarios aos alumnos e alumnas de entre 12 e 19 anos.
Páxinas
- « primeira
- ‹ anterior
- …
- 1295
- 1296
- 1297
- 1298
- 1299
- 1300
- 1301
- 1302
- 1303
- …
- seguinte ›
- última »