A Concellería de Benestar Social e Igualdade, que dirixe Carmen Basadre, organiza para o mes de xaneiro as VII Xornadas de achegamento ao tear tradicional e artesanía da lá. Esta actividade, que terá lugar en dous quendas: entre as 9:30 e as 11:00 e de 11:30 a 13:00 horas do 11 ao 15 de xaneiro no Centro de Convivencia de Fingoi, está dirixida a nenas e nenos dos tres últimos cursos de Primaria.

O Concello de Lugo organizou unha concentración e unha ofrenda floral diante da árbore da vida, na Praza de Santo Domingo, como homenaxe á memoria de todas as mulleres que perderon a vida como consecuencia da violencia machista.

Estes actos, nos que participou a Concelleira de Benestar Social e Igualdade, Carmen Basadre, entre outros membros da Corporación Municipal, englóbanse no programa organizado polo Concello de Lugo con motivo desta celebración.

O Concello de Lugo aprobou conceder a seis persoas maiores dependentes subvencións para mellora da accesibilidade e habitabilidade de vivendas, para o que destinará un total de 24.000 euros.

Presentáronse un total de 13 solicitudes das que unha foi retirada polo solicitante, outra presentouse fóra de prazo, 4 non cumprían os requisitos e outra non completou a documentación requirida.

O xurado do concurso de deseño gráfico Diversiarte 2009, composto pola Concelleira de Muller e Benestar Social, Carmen Basadre, e representantes de diversas asociacións de persoas con discapacidade de Lugo, elixiron ao que será o cartel anunciador do programa deseñado polo Concello de Lugo para conmemorar o Día Internacional das Persoas con Discapacidade como se ven facendo dende fai oito anos.