Con motivo duns traballos que se teñen que desenvolver en varios puntos da calzada da Rúa Chantada, vaise proceder ao corte total da mesma desde as 00:00 horas e ata as 06:00 horas do día 29 de setembro de 2016.

Para iso, estableceuse un plan de tráfico consistente en:

• Procederase ao corte ao comezo da Rúa Chantada segundo o sentido da circulación mediante sinalización circunstancial
• Achicarase o carril situado máis á dereita da Praza Fonte dos Ranchos, o cal deriva a circulación cara a Rúa Chantada coa fin de evitar a circulación cara a esta última. Instalarase un cartel informativo sobre o devandito corte
• Facilitarase a entrada ou saída a residentes desde Praza Bispo Odoario, polo que se establecerá o dobre sentido de circulación pola zona unicamente a residentes; aínda que, sempre a xuízo da empresa e dependendo do punto onde se realicen os traballos, poderase habilitar desde a intersección desta rúa coa Rúa Xermán Alonso. Devanditos accesos estarán supervisados por operarios da empresa para garantir a seguridade dos usuarios da vía
• Para permitir o acceso dende a Praza Bispo Odoario, habilitarase o viario existente desde a Rúa Chantada á Rúa Xermán Alonso de dobre sentido de circulación, para os efectos de permitir o acceso de vehículos autorizados procedentes da Rúa Anduriñas e Ronda da Muralla cara á Rúa Chantada. Instalarase un valo no illote central (oposta ao número 2) cun cartel co aviso “Autorizados residentes e C.N.P.”