O tenente de alcaldesa e concelleiro de área, Miguel Fernández, supervisou estes días o remate dos traballos que tiveron un prazo de execución de dous meses.
A área de Medio Rural, que dirixe o tenente de alcaldesa Miguel Fernández, vén de mellorar os accesos as núcleos de Santa María Alta e Matelo.
O concelleiro supervisou estes días os traballos, adxudicados á empresa Francisco Gómez y Cia SL por un importe de 76.410 €, que foron financiados con cargo aos fondos do Plan Único de Cooperación que o Concello de Lugo mantén coa Deputación Provincial.
O concelleiro sinalou que os labores realizados - que tiveron un prazo de execución de dous meses - incluíron a rexeneración do firme mediante aglomerado en quente, alén da limpeza de beiravías e a adaptación dos rexistros existentes ás novas rasantes.
“Trátase de obras coas que, dende o Executivo de Lara Méndez, queremos atender as demandas que nos traslada a veciñanza así como incrementar a seguridade viaria e a calidade de vida nas parroquias, favorecendo o asentamento poboacional a través da mellora das dotacións públicas e das infraestruturas municipais”, concluíu o edil.
Audio
- O edil de Medio Rural, Miguel Fernández, sobre a mellora de Santa María Alta | Descargar mp3
