As obras de montaxe da estrutura principal do edificio Impulso Verde, que o Goberno de Lara Méndez está a levantar na Garaballa, quedarán rematadas esta semana coa instalación da cuberta gridshell, deseñada polo Campus Terra e premiada no Congreso Mundial de Enxeñaría da Madeira (WCTE 2018, Seúl -República de Corea-).

Este proxecto enmárcase no programa europeo LIFE Lugo+Biodinámico, impulsado polo Concello de Lugo, coa colaboración da Deputación e a labor de investigacion da Universidade de Santiago de Compostela e a Universidade Politécnica de Madrid.

Unha vez finalizada a montaxe da estrutura, levarase a cabo o recubrimento do exterior con pizarra de Galicia, así como a división interior, tabiquería, carpitenrías interiores, e por último, a dotación de mobiliario.