Controis de alcoholemia e drogas

Efectivos do Grupo Operativo Nocturno da Policía Local de Lugo intensificaron os controis de alcoholemia e drogas, establecendo diversos filtros de seguridade viaria en vías do centro urbano, co emprego de vehículos policiais rotulados e camuflados, co seguinte BALANCE:

DELITO CONTRA A SEGURIDADE VIARIA

Na rúa Salvador de Madariaga detéctase a condución irregular dun vehículo que ao ser dado o alto obsérvase que o condutor presenta signos de acharse baixo a influencia de bebidas alcohólicas, sendo sometido ás probas de alcoholemia, lanzando un resultado POSITIVO de 0,76 mg/l., instruíndose dilixencias por delito contra a seguridade viaria na modalidade de Xuízo Rápido.

ALCOHOLEMIAS ADMINISTRATIVAS (4)

• Rolda da Muralla. Condutor con resultado POSITIVO de 0,49 mg/l.
• Ronda das Fontiñas. Condutor con resultado POSITIVO de 0,49 mg/l.
• San Roque. Condutor con resultado POSITIVO de 0,43 mg/l.
• Praza Mártires de Carral. Condutor con resultado POSITIVO de 0,30 mg/l.

Estes condutores foron sancionados con multa de 500 euros e a retirada de 4 puntos do permiso de condución, inmobilizando os vehículos.

DROGAS (6)

• Praza da Milagrosa. Condutor con resultado POSITIVO en THC.
• Río Navia. Condutor lanza un resultado POSITIVO en COCAÍNA e ANFETAMINAS.
• Avenida de As Américas. Condutor lanza resultado POSITIVO en COCAÍNA.
• Rúa dás Artes. Condutor lanza un resultado POSITIVO en THC.
• Camiño Real. Detéctase a circulación dun vehículo a escape libre, lanzando o seu condutor resultado POSITIVO en THC.
• Avenida da Coruña. Condutor lanza resultado POSITIVO en THC.

Estes condutores foron sancionados con multa de 1.000 euros e a retirada de 6 puntos do permiso de condución, inmobilizando os vehículos.

No transcurso destes controis detectáronse e denunciáronse as seguintes infraccións graves á normativa de Seguridade viaria (11):

• 4 titulares de vehículos denunciados por circular carecendo de SOA.
• 2 titulares de vehículos denunciados por non presentar o vehículo a ITV no prazo debido.
• 2 condutores denunciados por conducir sen a dilixencia e precaución necesarias.
• 2 condutores de VMP denunciados por conducir utilizando auriculares.
• 1 condutor denunciado de VMP por circular por zona peonil.

Axuda humanitaria

Efectivos do Grupo Operativo Nocturno da Policía Local de Lugo interviñeron nos seguintes auxilios a cidadáns:

• Na rúa do Miño detéctase un home tirado na rúa con signos de embriaguez e unha brecha na cabeza, sendo auxiliado e requirindo a presenza dunha ambulancia para o seu traslado ao HULA.
• Na praza de Pio XII auxíliase a unha moza que está tirada na rúa con signos de embriaguez e un golpe na cara, requirindo a presenza dunha ambulancia para o seu traslado ao HULA.
• Na Avenida da Coruña auxíliase a un home que se achaba tirado no chan, manifestando que nun momento determinado cando ía camiñando esborrallouse, descoñecendo a causa, sendo requirida un ambulancia cuxa dotación sanitaria atende a esta persoa.
• Rúa Venancio Senra. Persoa tirada na beirarrúa que se acaba de marear. Requírese a presenza dunha ambulancia para o seu traslado ao HULA.

Venda ambulante non autorizada (6)

Durante o operativo levado a cabo no Parque da Milagrosa con ocasión do mercadillo semanal, efectivos da Unidade Territorial de Policía de Barrio da Policía Local de Lugo, sorprenderon a CATRO persoas ocupando espazo público para venda ambulante non autorizada, levanto actas de denuncia por infracción á Lei de Seguridade Cidadá, propoñendo sanción de 600 euros a cada un deles.

Na rúa Quiroga Ballesteros sorprendeuse a DÚAS persoas ocupando vía pública para o exercicio de venda ambulante non autorizada, sendo propostos para sanción de 600 euros cada unha delas.

Ruídos

A mañá do día 2 de xuño unha patrulla da Unidade Territorial de Policía de Barrio da Policía Local de Lugo detecta unha festa dun grupo de mozos nas galerías da Rúa Nova, utilizando un altofalante que emitía música nun volume moi alto, causando alarma en toda a veciñanza, sendo perceptible en toda a mazá de edificacións.

Os axentes identifican ao responsable, levantándose acta de denuncia por infracción á Ordenanza Municipal de Protección Ambiental, disolvendo o grupo de persoas que causaban as molestias. (foto)

Accidente de circulación con ferido

A tarde do día 1 de xuño, un equipo de Atestados da Policía Local de Lugo, desprázase á Avenida de Magoi xa que se produciu un accidente de circulación,  no que un turismo chocara contra unha motocicleta, resultando ferido o condutor deste último vehículo, ao caer ao chan, sendo evacuado por unha ambulancia a un centro médico xa que presentaba lesións nunha perna. (foto)