A Concelleira de Economía e Emprego, Sonia Méndez, deu conta hoxe da reunión en relación coa ordenanza da auga mantida esta mañá cos grupos políticos con representación no Concello e os técnicos municipais.
O Concello de Lugo propón un sistema tarifario baseado no consumo real que primará a aqueles que menos consuman. O luns volverán a reunirse as partes de cara a pechar un acordo que fixe as tarifas da auga do próximo ano.
* Destaca o compromiso coa cidade do Goberno de España, un apoio que espera obter tamén da administración galega
* Salienta que a Nova Ponte, a Estación Intermodal e as novas autovías axudarán a poñer Lugo no mapa das comunicacións
* Remarca que as empresas contarán sempre “co noso apoio para que Lugo conte tamén no mapa das industrias fortes, competitivas, á altura das esixencias que establece convivir en Europa”
A Concelleira de Economía e Emprego, Sonia Méndez, presentou esta mañá o programa de emprego Lugo Contigo II acompañada polos representantes de diferentes asociacións que traballan coas persoas con discapacidade: COGAMI, Auxilia, Aspnais, Fademga, Asociación de Xordos, Down Lugo e Feafes. Trátase da segunda edición dun programa subvencionado pola Consellería de Traballo que o ano pasado tivo moito éxito polo que este ano se ampliou o número de beneficiarios de 55 a 100.
O Alcalde de Lugo, José López Orozco, participou hoxe na presentación de 17 proxectos de empresas que naceron ao abeiro do CEI-NODUS, 6 delas de nova creación: Evalice Internet, Small Wonders, Peter Schneider, Artemenudo, Intre Estratexias e Binarty. López Orozco destacou o papel dos emprendedores lucenses como “un dos factores de crecemento da cidade”.
O Alcalde de Lugo, José López Orozco, destacou hoxe o feito de que o sorteo da Lotería Nacional do próximo sábado se celebre na cidade “por permitir que Lugo estea presente en todos os puntos de España”. No acto de presentación do evento López Orozco estivo acompañado polo Subdelegado do Goberno en Lugo, así como por varios representantes de Loterías y Apuestas del Estado.
A Concelleira de Economía e Emprego, Sonia Méndez, participou esta mañá na presentación das actuacións promocionais da Guía de compras outono-inverno 09 realizada pola Asociación de Comerciantes Lugocentrum coa colaboración do Concello de Lugo.
O obxectivo perseguido con esta guía é o de promocionar e incentivar as vendas nos establecementos do centro da cidade, algo que o Concello está a potenciar tamén a través das axudas do proxecto URBAN.
O Concello de Lugo continúa co seu compromiso coa inserción social e laboral de toda a cidadanía e, en especial, daqueles que atopan maiores dificultades para incorporarse ao mercado de traballo. Por iso, desde hai tempo o equipo de Goberno ven poñendo en marcha diferentes programas para favorecer a inserción laboral dos colectivos máis desfavorecidos, e colaborando con asociacións e entidades sociais que traballan pola mellora das oportunidades para as persoas que máis o precisan.
A Alcaldesa en función de Lugo e Concelleira de Economía e Emprego, Sonia Méndez, destacou esta mañá que as administracións deben ser unidades efectivas de garante da saúde pública dos cidadáns. Así o expuxo no acto de inauguración da presentación das V Xornadas de Control de Residuos en Alimentos no que estivo acompañada pola Conselleira de Sanidade, Pilar Farjas, así como pola Vicepresidenta da Deputación de Lugo, Lara Méndez, entre outros asistentes.
A Concelleira de Economía e Emprego, Sonia Méndez, o Vicerreitor de Coordinación do Campus da USC en Lugo, Carlos Herrero, a representante do Consello Galego de Cooperativas, Matilde Alonso, e a Directora da Escola de Artes Aplicadas Ramón Falcón, Esther Muñoz, presentaron dous concursos para o fomento dos valores do cooperativismo no Concello de Lugo.
A Concelleira de Economía e Emprego, Sonia Méndez, participou esta mañá na inauguración do V Congreso Nacional e II Congreso Ibérico de Agroenxeñaría 2009 que se está a celebrar na Escola Politécnica Superior do Campus de Lugo.
Páxinas
- « primeira
- ‹ anterior
- …
- 229
- 230
- 231
- 232
- 233
- 234
- 235
- 236
- 237
- …
- seguinte ›
- última »