O Movemento Renovación Pedagógica “ESCOLA VIVA” dependente de FETE-UGT inicia as súas actividades formativas, do presente ano, cunhas xornadas de 13 horas de duración, homologadas pola Conselleria de Educación.

Estas xornadas, tituladas: “Educar con retos: Autismo e trastornos de desenvolvemento”, pretenden dar resposta ao interese do profesorado por temas relacionados coa intervención con alumnado de NEE.

A cuarta edición dos Almorzos Saudables remata esta semana coa visita aos tres últimos colexios inscritos neste programa organizado pola Concellería de Servizos Xerais.

Este programa foi elaborado para concienciar a pequenos e pais da importancia de almorzar correctamente para render durante toda a xornada no colexio. Esta iniciativa serviu de exemplo para o Ministerio de Sanidade.

O negociado de Sanidade e Consumo do Concello de Lugo informa que o venres, día 9 de marzo, o Servizo de Desratización actuará en todo o trazado da avenida da Coruña, comprendida entre a porta de San Fernando e o alto de Garabolos.

Trátase dunha nova actuación deste servizo, que actúa todas as semanas en Lugo e que realiza o tratamento de todos os barrios unha media de tres veces ao ano.

O Consello Veciñal celebrou a primeira reunión deste ano o pasado mércores pola tarde. A cita reuniu á Concelleira de Servizos Xerais, Luisa Zarzuela, cos restantes membros do Consello, que está formado por un representante de cada grupo político, un representante das asociacións federadas e outro das non federadas.

Luisa Zarzuela aproveitou para informar sobre o novo regulamento orgánico municipal do pleno que foi aprobado recentemente e atópase na fase de alegacións.