O Alcalde de Lugo, José López Orozco, explicou os datos reais que conforman o proxecto de empresa mixta de auga “apoiándonos na lóxica clásica, hai un principio que di que do falso se segue calquera cousa”. López Orozco explicou que o BNG parte de datos falsos ó criticar o proxecto de goberno para a creación desta empresa municipal. “Non se trata de privatizar o servizo senón crear unha empresa mixta con capital municipal e capital privado na xestión. Non é como se fixo no Concello de Allariz onde si se fixo unha concesión de auga, é dicir unha privatización do servizo.

Pola celebración da festividade do día de Todos os Santos, o Concello de Lugo organizou unha serie de actos e medidas especiais de funcionamento no cemiterio municipal.

Xa dende o 27 de outubro o recinto do cemiterio permanece aberto, en horario continuado, de 10 a 19 horas. Este horario de apertura manterase ata o día 2 de novembro inclusive.

O día 1 de novembro aberá actuacións do grupo de música clásica Straniki.

O Concello rendiu unha homenaxe aos lucenses falecidos coa celebración da tradicional ofrenda do Día dos Defuntos que realiza a Corporación Municipal en homenaxe á súa memoria.

O Alcalde Accidental, Francisco Fernández Liñares, presidiu este acto, que ten un carácter laico para que todas as relixións e as persoas aconfesionais ou ateas estean representadas nesta loubanza ao seu recordo.

O Xardín das Lembranzas foi o marco escollido para realizar a ofrenda.

A Concelleira de Servizos Xerais, Luisa Zarzuela, presentou esta mañá o programa de actividades deseñado pola Oficina Municipal de Información ao Consumidor para os meses de novembro e decembro deste ano.

A edil explicou que as actividades organízanse dacordo coa política do Concello de fomentar o consumo responsable entre os lucenses e de actualizar os seus coñecementos nesta materia achegándolles as últimas novas e reformas en normativas relacionadas co ámbito do consumidor.