Unha media de 600 persoas acudiron a cada unha das sete representacións da Mostra de Teatro Clásico, que remataron o luns coa posta en escea de El Trovador. Esa convocatoria está organizada dentro do convenio semestral de colaboración en materia de cultura entre o Concello de Lugo e Caixanova.

Segundo indicou a Concelleira, trátase dunha porcentaxe de público que pon de manifesto “que os certames teatrais están xa consolidados”.

A Concellería de Educación, dirixida por Dolores Vieiro, convoca unha reunión informativa que terá lugar nas instalacións da Gardería Municipal Serra de Outes o luns, día 3 de setembro, ás 17:30 horas.

A reunión celébrase por motivo do inicio do curso escolar. Os técnicos informarán a todos os pais e nais dos nenos matriculados sobre as actividades, horarios e funcionamento da gardería e tratarán todos aqueles temas que poidan causar dúbidas ós proxenitores.

A Concelleira de Educación, Dolores Vieiro, e os representantes do Movemento de Renovación Pedagóxica Escola Viva e FETE-UXT, José Luis Rodríguez Trigo e María Jesús Navarro Otero, presentaron o curso de información e formación do profesorado co que colabora o Concello de Lugo e que se celebrará do 17 ó 21 de setembro no IES Politécnico.

Máis do sesenta por cento dos lucenses que participaron na enquisa da páxina web www.lugo.es afirman realizar a súa práctica deportiva diaria ao aire libre. Segundo se desprende dos datos, as zonas verdes urbanas son as preferidas.

Nesta enquisa participaron un total de 298 persoas, das que o 28,18% (84) prefiren a práctica deportiva nas zonas verdes urbanas. Así mesmo, o 17,44% (52) optan pola muralla e as rúas da cidade para mellorar o seu estado físico. A zona rural é tamén escollida por 45 persoas (o 15,10%).