O Alcalde de Lugo e os voceiros dos grupos políticos municipais recibiron de mans de Delia Lorenzo, Presidenta de ALCER Lugo, un carné simbólico de doante para conmemorar a celebración do Día Internacional do Doante que se está a celebrar hoxe. Este acto foi froito da petición de ALCER Lugo e en representación de FATEGA (Federación de Asociaciones de Enfermos y Trasplantados de Galicia), da que son membros fundadores.

O Alcalde e a Presidenta de ALCER fixeron fincapé na concienciación das familias para salvar outras vidas.

O Concello de Lugo, en concreto a Área de Muller e Benestar Social, organiza unha exposición colectiva de Cestería e Arte Floral dos traballos realizados nos diferentes obradoiros de Animación Sociocultural dos Centros Sociais Municipais. Inaugurarase o día 18, luns, ás 18:00 horas e o horario de visita será ata o día 22 de xuño de 16:00 a 21:00 horas na sala de exposicións do Centro Social Uxío Novoneyra, na rúa Quiroga Ballesteros, 1- 1º andar.

Os de Cestería estiveron dirixidos por Idoia Cuesta Alonso e os de Arte Floral por Lucía González Gómez.

O Concello concede as axudas ao aluguer correspodentes a 2007, para as que destina un orzamento de 66.500 euros, a un total de 55 persoas. Estas subvencións de carácter anual están a cargo da Concellería de Muller e Benestar Social e son xestionadas pola Empresa Municipal do Solo, Evislusa.

A Comision de Valoración reuniuse o pasado venres para analizar as 97 solicitudes que se recibiron, das que se valoraron positivamente 55. Os principais motivos de rexeitamento foron a falta de documentación, a presentación fora de prazo e non adaptarse aos requisitos establecidos.

A Concellería de Muller e Servizos Sociais organiza para este mércores, día 18 de xullo, unha excursión para maiores a San Andrés de Teixido e a Estaca de Bares.

Un total de 49 maiores inscribíronse nesta actividade organizada no Programa de Verán de Animación Sociocultural da Concellería de Muller e Servizos Sociais.

A saída terá lugar ás 8 da mañá desde o recinto do Parque da Milagrosa e o regreso será ás 19:00 horas. Pola mañá visitarán o santuario de San Andrés de Teixido e o faro de Estaca de Bares.