Un 73,38% dos lucenses que participaron na enquisa da páxina web www.lugo.es afirman estar a favor da declaración da Semana Santa de Lugo como Festa de Interese Turístico Galego, tal e como pretende a Concellería de Cultura, que está elaborando o dossier obligatorio para esta solicitude.

Nesta enquisa participaron máis de mil persoas, das que 783 están a favor desta medida mentres que 248 (o 23,24%) opinan que aínda non merece tal distinción. Pola súa banda, 36 persoas (o 3,3%) afirman non ter unha opinión definida.

A Concelleira de Muller e Servizos Sociais, Carmen Basadre, presentou hoxe as VI Xornadas Locais sobre Violencia de Xénero que terán lugar en Lugo do xoves 22 ó sábado 24 de novembro. As xornadas centraranse no tema das fillas e fillos das mulleres vítimas da violencia, oas testemuñas directas da violencia contra as súas nais e que sofren un abuso emocional moi forte.

As xornadas abriranse co relatorio da psicóloga Sofía Czalbowski sobre a Intervención psicolóxica cos menores fillas e fillos de vítimas de violencia de xénero.

Suso de Toro lerá en Lugo o manifesto conxunto do FOP nun acto aberto ó público no Instituto Lucus Augusti

Lugo acolle, en conmemoración polo Día Mundial da Liberdade de Prensa, un acto conxunto que reunirá a todas as organizacións do Foro de Organizaciones de Periodistas (FOP). Será este xoves, día 3 de maio, no Instituto Lucus Augusti. É a primeira vez que que se realiza un acto destas características, no que participen todas as organizacións do FOP.

A Concelleira de Muller e Servizos Sociais presentou novas actividades de carácter lúdico que organiza a súa concellería para os vindeiros días.

A primeira delas é o I Magosto Popular pola Tolerancia, que continúa co costume de anos anteriores de celebrar o tradicional magosto, pero que este ano introduce como novidade que servirá de encontro intercultural para todos os cidadáns de Lugo.