Como todos anos pola festividade do día de Todos os Santos celebrarase o tradicional mercado das flores nas instalacións do Mercado Municipal de Abastos.

Por outra banda, dende mañá e ata o día 2 de novembro amplíase o horario habitual do cemiterio municipal que permanecerá aberto de forma ininterrumpida dende as 10:00 ata as 19:00 horas para facilitarlle ós lucenses a súa visita e a habitual labor destas datas de limpeza e engalanamento das sepulturas.

O operador galego de comunicacións por fibra óptica, escolleu ó Concello de Lugo para continuar coa súa acción de cúpulas inchables que albergan actividades didácticas, xogos e entretemento co obxectivo de lles achegar a Sociedade da Información a persoas de todas as idades. Esta mañá a concelleira de Participación Cidadá de Lugo, Luisa Zarzuela, e Malú Bergantiños, responsable de Comunicación Externa de R, presentáronlles a acción das cúpulas ós medios de comunicación na Casa do Concello da cidade.

A Concellería de Servicios Xerais, dirixida por Luisa Zarzuela, fixo hoxe público o decreto polo que se conceden 25.700 euros en concepto de subvencións a asociacións do ámbito da participación cidadá.

Un total de 35 asociacións veciñais e culturais beneficiaranse destas axudas. Trátase dunha das convocatorias que fai o Concello de Lugo para colaborar coas entidades veciñais e contribuír á dinamización das súas actividades.

A Policía Local informa que a rúa Ribadeo estará cortada ó tráfico o sábado entre as 08.30 e as 18.00 horas debido á desmontaxe dun guindastre de obra sito no solar nº 1 da rúa Ribadeo. Permitirase o acceso ós residentes desta rúa.

A rúa Azalea estará cortada ó tráfico o sábado, día 10 entre as 08.30 e as 18.00 horas debido a montaxe dun guindastre de obra no solar nº 5 desta rúa. Permitirase o acceso ós residentes.
O tráfico desviarase pola rúa Río Ulla para saír cara a rúa Quiroga ou Fonte dos Ranchos e ronda do Carme.