O presidente da Xunta inaugurou esta mañá en Lugo o Centro de Interpretación da Muralla no que se conxugan "un delicado labor de rehabilitación arquitectónica cun plan museográfico coidado, ben deseñado e atractivo"

Sitúa o centro como a "demostración real" do esforzo realizado no Plan de Excelencia Turística no que participan Goberno central, Xunta e concello de Lugo

"Todo o que se faga por revitalizar e engrandecer o noso patrimonio monumental, histórico, artístico e cultural estará sempre entre as prioridades do Goberno galego", a

O portal web municipal realizou unha enquisa sobre a disposición dos lucenses para modificar os seus hábitos en pro da mellora do medio ambiente, entre o 5 e o 26 de maio, na que participaron un total de 204 persoas.

Segundo os resultados obtidos neste sondeo, que propuxo cinco opcións de resposta, o 46,56% dos lucenses considera que xa está a facer todo o que está nas súas mans para a defensa do medio ambiente.

O 24,50% dos participantes  está dispostosto a separar os residuos para reciclar, mentres que o 13,72% baixaría o consumo de enerxía no seu fogar.

O Alcalde de Lugo, José López Orozco, presidirá a apertura de plicas das empresas que optan á construción do Museo Interactivo da Historia de Lugo, MIHL, que se construirá no Parque da Milagrosa e que terá lugar este xoves ás 11:30 na Casa do Concello.

Empresas que optan a esta contratación:

1) Fdo. Construçoes, S.A.
2) Construcciones Alea, S.L.
3) Obrascon Huarte Laín, S.A.

Un conto, música e monicreques son a base do espectáculo O paxaro de lume que a compañía Viravolta presentará o sábado 24 de maio no Círculo das Artes dentro da programación da trixésimosexta edición do Festival de Música Cidade de Lugo que organiza a Concellería de Cultura e Turismo que dirixe Concepción Burgo.

A base do espectáculo é un conto tradicional ruso que no seu día serviu tamén de inspiración ao compositor ruso Igor Stravinski para compoñer o seu ballet O paxaro de lume.