A Concelleira de Cultura e Turismo, Concepción Burgo, e o Presidente da Asociación de Hostaleiros da Provincia, José Francisco Real, presentaron o 5º Concurso de Tapas de Lugo co que se pretende poñer en valor a cociña da cidade.
O Alcalde de Lugo, José López Orozco, ofreceu hoxe a colaboración e o traballo en común para acadar un gran pacto en materia de ensino. “Desde o Concello de Lugo sempre estaremos dispostos á colaboración e ao traballo en común porque isto non ten partido, eles son todos de todos e merece a pena ese pacto, ese acordo para que en Galicia todos traballemos en común na mellor tarefa que podemos traballar que é a tarefa do ensino”, expuxo.
O Foro de Igualdade entre Mulleres e Homes do Concello de Lugo aprobou, nunha xuntanza mantida esta mañá, a realización dunha campaña de promoción do deporte feminino co obxectivo da sensibilización da sociedade, xa que a Concellería de Deportes detectou que existe unha desproporción visible en canto á maior participación de homes que de mulleres nas actividades deportivas.
No eido deportivo aprobouse tamén o fomento do deporte adaptado para persoas con discapacidade.
* Na reunión avanzouse que haberá un encontro coa Xunta de Galicia, administración necesaria, para analizar o proxecto de estación intermodal no marco do acordo sobre o AVE a Galicia
* Avanza que os técnicos de Adif visitarán Lugo nun breve prazo de tempo para continuar os estudos sobre o terreo
* López Orozco desprazouse a Madrid onde mantivo unha xuntanza co secretario de Estado de Infraestruturas e o presidente de Adif, entre outros
* Máis de 2.100 persoas participaron nas actividades de verán organizadas pola Concellería de Benestar Social e Igualdade
O Concelleiro de Protección da Comunidade e portavoz do Equipo de Goberno, José Rábade, deu conta esta mañá, logo da Xunta de Goberno, da aprobación da contratación de obras dun edificio dotacional destinado á Policía Local e a Protección Civil. Tal e como explicou o prazo de execución será de 15 meses e contará cun orzamento máximo de 3.183.465 euros. O prazo para a presentación de propostas será de 26 días.
* Destaca que Lugo ten a oportunidade de “ser unha cidade que modernice as súas infraestruturas e as poña á altura do século XXI”
* Subliña que traballará para que o proxecto da nova estación intermodal sexa o máis axeitado para a cidade e o seu futuro desenvolvemento
O Concello de Lugo aprobará a semana próxima na Xunta de Goberno a apertura dun novo prazo para a peonización de San Marcos logo de quedar deserto o concurso convocado recentemente. Os anteproxectos valorados hoxe polo xurado non reunían a calidade establecida nas bases, polo que non acadaron a puntuación mínima requirida, 50 puntos dos 80 totais.
A Concellería de Medio Ambiente, que dirixe Lino González Dopeso, está ultimar o proxecto de reutilización do 20% das augas residuais que se xeran no Concello de Lugo para o rego de xardíns e baldeo industrial. Con este proxecto Lugo será pioneira no noroeste da Península en materia de reciclaxe de auga e coa que se recuperan parte das augas residuais que se xeran na cidade para usos que non precisen da súa potabilidade.
O Concello de Lugo continúa coas actividades de prevención de drogodependencias entre a mocidade lucense a través dunha nova campaña baixo o nome de Sábados +XTI. Esta iniciativa foi presentada esta mañá pola Concelleira de Benestar Social e Igualdade, Carmen Basadre, que explicou que “se trata de cubrir as necesidades que teñen os rapaces e rapazas de entre 12 e 16 anos en materia de ocio e tempo libre”.
Páxinas
- « primeira
- ‹ anterior
- …
- 1569
- 1570
- 1571
- 1572
- 1573
- 1574
- 1575
- 1576
- 1577
- …
- seguinte ›
- última »