O Servizo de Intérpretes para persoas xordas, que a Concellería de Muller e Servizos Sociais puxo en marcha o pasado mes de maio, leva atendidas 52 solicitudes. Este é un servizo gratuíto promovido polo Concello para fomentar a integración social das persoas xordas.

A Concellería de Muller e Servizos Sociais organizou unha nova excursión ao conxunto medioambiental de Marcelle Natureza para nenos e nenas de etnia xitana.

A saída tivo lugar ás 9:30 horas e rematou as 13:30 horas. Na excursión foron acompañados por monitores especializados que lles amosaron de preto a fauna exótica.

O Auditorio Gustavo Freire acollerá o sábado, día 10, unha actuación de danza, organizada pola Concellería de Cultura, que dirixe Concepción Burgo.

Esta actuación, que leva por título Vacuo, estará a cargo do Centro Coreográfico Galego e conta coa dirección de Maruxa Salas.

As entradas para esta actuación están á venda dende hoxe a un prezo reducido de 3, 5, e 7 euros, dependendo da zona escollida no Auditorio.

A compra das entradas pode facerse a través da taquilla electrónica de Caixanova, no número de teléfono 902 504 500.

O servizo de intérprete de linguaxe de signos como acompañante para persoas xordas que ofrece o Concello de Lugo, paralízase do 6 o 31 de agosto por vacacións do persoal.

O servizo, totalmente gratuíto, volverá a funcionar a partir do 1 de setembro. O intérprete acompañará de novo ás persoas xordas que así o soliciten naqueles trámites que se realicen no Concello e tamén para realizar outro tipo de xestións burocráticas con outras institucións (Xunta, Sergas, Facenda, etc...).