Mañá venres, 9 de maio, continúa o ciclo de cine xuvenil “Muller e interculturalidade” organizado polo Servizo Municipal de Prevención de Drogodependencias dependente da Concellería de Muller e Benestar Social que dirixe Carmen Basadre.

Os lucenses poderán disfrutar mañá do filme O tren da memoria. A película retrata o éxodo de dous millóns de españois que buscaron a prosperidade en Europa nos anos sesenta. Fóronse para uns meses e ao final quedaron trinta anos.

O programa cultural froito do convenio entre Caixanova e o Concello de Lugo continuará mañá, día 9 de maio, coa actuación de Humor Neghro no Auditorio Gustavo Freire ás 20:30 horas.

Humor Neghro, é un espectáculo de humor e música no que se unen estes dous talentos e que pretende reflexionar sobre unha realidade tan próxima, tan galega e tan africana como é a emigración/inmigración; pretende tamén crear lazos entre razas e culturas partindo do que poden ter en común un humorista galego e un cantor centro-africano: o idioma.

A conquista dun soño

Voar foi un dos soños máis antigos do home. A fascinación por emular o voo das aves mantense constante dende tempos remotos. Non obstante, para que o soño do voo non se converta nun pesadelo, foi preciso percorrer un longo camiño. A exposición Objetivo ¡volar! amosa como o home empregou técnicas para voar similares ás doutros seres vivos dende as orixes da aviación. Explica os principios e as leis físicas que permiten o voó, así como os mecanismos que empregan as plantas, os animais e os homes para poder vencer a gravidade e sucar o aire.

O club Hockey Liña Lostregos Lucus participará no Campeonato de España Junior en Valladolid os días 9, 10 e 11 de maio.

As bases do campionaro están colgadas na dirección web: así como os horarios dos partidos que se desputarán.

O equipo de Hockey Liña de Lugo representará á Comunidade Galega dentro desde Campionato de España onde tamén estarán representadas outras 7 Comunidades Autónomas.