O V Festival de Teatro Clásicos do Século XX organizado pola Concellería de Cultura e Turismo que dirixe Concepción Burgo, continúa hoxe, xoves 20 de novembro, coa obra Ligazón de Valle-Inclán.

A compañía Tribueñe, representará esta creación do dramaturgo máis representativo do teatro español do século XX. O autor conta como unha moza dunha aldea galega rebélase contra o desexo da súa nai de vender o seu corpo a un home adiñerado. O retablo  da avaricia, a luxuria, e a morte, denuncian a necesidade de romper un modelo baseado na complicidade e na falta de aventura.

A Xunta de Portavoces do Concello de Lugo decidiu, por acordo unánime, levar ao próximo Pleno a proposta da concesión a un dos grandes pintores do noso tempo Xesús Blas Lourés o título de fillo predilecto da Cidade.

Nado en Lugo o 28 de novembro de 1926, cidade na que residiu o longo da sua vida, iniciouse dende moi xoven no mundo do arte da man do maestro Rafael Estrada, que era técnico en vidrieiras artísticas.

O Concello de Lugo ampliou as datas de celebración dos cursos de conducción eficiente cos que os lucenses poderán aprender a adoptar medidas para reducir as emisións de CO2 na conducción, así como promover un aforro do combustible debido á alta demanda por parte dos cidadáns.

Nun principio os cursos terían lugar polas tardes en dúas tandas de 16:00 a 18:30 horas e de 18:30 a 21:00 horas entre o 24 de novembro e o 2 de decembro,  pero agora apliáronse ata o 5 de decembro incluído.

Mañá 20 de novembro remata o prazo de pagamento voluntario do Imposto de Bens Inmobles (IBI) e de vados, que se atopaba aberto dende o 20 de setembro, tal e como recolle o calendario do contribuínte.

A partir de mañá comezará a recadación executiva que implica un recargo do 5%.

Este ano o imposto do IBI permitirá a recadación de 14.944.454 euros en urbana o que supón un incremento do 5,17% con respecto ao ano 2007.

En canto ó número de recibos, é de 79.850 o que representa un 2,57% máis que na anualidade anterior.