O Alcalde de Lugo, José López Orozco, e a Concelleira de Cultura e Turismo, Concepción Burgo, presentaron esta mañá no Concello a guía turística Lugo, ciudades con Encanto editada por El País Aguilar. López Orozco subliñou que a guía pretende consolidar Lugo “como destino turístico de primeira orde”.
O Concello de Lugo organiza un ano máis unha nova edición da Feira do Libro Antigo e de Ocasión de Lugo que estará instalada no fondo da Praza Maior do 4 ao 19 de xullo en horario de 11.00 a 14.00 horas, polas mañás e de 17.30 a 21.30 polas tardes.
Nesta feira, recuperada pola Concellería que dirixe Concepción Burgo, participarán libreiros de distintas provincias españolas: de Galicia, Asturias, León, Valencia e Madrid.
Hoxe comeza a actividade de Tai-Chi ao aire libre organizada pola Concellería de Muller e Servizos Sociais dentro da Programación Sociocultural de Verán. Esta actividade xa se celebrou en anos pasados e recibiu unha exitosa acollida entre os lucenses.
Este verán, o Tai Chi ao aire libre impártese os martes e os xoves de 10:30 a 11:30 horas no Parque de Rosalía, e os luns e os mércores de 19:30 a 20:30 horas no Parque da Milagrosa.
A Fundación CEL entregoulle esta noite os seus XI Premios Anuais á Iniciativa, á Actividade e á Promoción empresariais a nove empresas e proxectos de empresa da provincia de Lugo, nunha cerimonia que tivo como escenario o Club de Campo Las Bridas.
Mañá mércores, día 1 de xullo, comeza en Lugo de xeito oficial, a segunda tempada de rebaixas do ano.
As rebaixas teñen a consideración de actividades de promoción de vendas e por tanto están reguladas por lei, concretamente na 7/1996, do 15 de xaneiro, de Ordeación do Comercio Minorista.
O Concelleiro de Deportes, José Manuel Díaz Grandío, e o presidente do Club de Montaña Mustallar, Juan Tei, presentaron unha nova expedición que levarán a cabo sete deportistas lucenses, cinco homes e dúas mulleres.
O Alcalde de Lugo, José López Orozco, o Concelleiro de Deportes, José Manuel Díaz Grandío, e outros membros da Corporación Municipal, recibiron esta tarde na Casa do Concello aos xogadores e técnicos da selección española de baloncesto sub-20 que estivo concentrada estes días na cidade.
O Alcalde de Lugo, José López Orozco, o Presidente da Deputación Provincial, José Ramón Gómez Besteiro, membros da Corporación Municipal, representantes do Club Emevé e outras autoridades, descubriron esta mañá na Casa do Deporte do Concello de Lugo unha placa na honra das xogadoras do Emevé falecidas nun tráxico accidente de tráfico o pasado mes de maio. Neste acto tamén estiveron presentes familiares e amigos das rapazas.
O Alcalde de Lugo, José López Orozco, e a Concelleira de Xuventude, Rosana Rielo, fixeron balance da última edición do Arde Lucus que se celebrou dende o venres ata a noite do domingo na cidade e que reuniu a máis de 460.000 persoas. López Orozco salientou a consolidación da festa que ano tras ano aumenta a afluencia de público. Lucenses e visitantes desfrutaron desta festa que ten xa un gran recoñecemento como se demostrou coa cobertura do evento que realizaron os medios de ámbito nacional.
O Alcalde de Lugo, José López Orozco, e outros membros da Corporación Municipal recibiron esta mañá na Casa do Concello ao Ministro de planificación e Desenvolvemento de Costa Rica, Roberto Gallardo Núñez, que está a visitar Galicia.
Ambos os dous mandatarios manifestaron o seu interese por establecer lazos culturais e comerciais entre Lugo e o país caribeño para dar a coñecer que pode ofrecer cada un dos territorios.
Páxinas
- « primeira
- ‹ anterior
- …
- 1584
- 1585
- 1586
- 1587
- 1588
- 1589
- 1590
- 1591
- 1592
- …
- seguinte ›
- última »