O concerto de Christina Rosenvinge abrirá este mércores 15 o programa de verán do Convenio Lugo Cultural, que integra ao Concello de Lugo, a Vicerreitoría de Cultura da USC, Vicepresidencia Primeira da Deputación Provincial, Creación e Difusión Cultural da Xunta de Galicia e Fundación Caixa Galicia. Co nome de ‘Entre Lusco e Fusco’, celebraranse varias actuacións musicais co obxectivo de recuperar zonas naturais como espazo escénico para a música.
Os deportistas lucenses demostraron o seu potencial no Campionato de España de Tiro Olímpico de Novas Promesas celebrado en Logroño a pasada fin de semana.
Os tiradores lucenses acadaron un total de 13 podiums con dous ouros, tres pratas e catro bronces individuais, alcanzando os tres ouros e unha prata por equipos.
A Concelleira de Cultura e Turismo, Concepción Burgo, presentou este mediodía a cuarta edición dos Vellos Oficios Vivos encadradas no programa de actividade culturais de Verán en Lugo elaborado pola súa Concellería e que comezaron coa demostración dos traballos tradicionais da pedra, do barro da Ribeira Sacra, o fío e as fibras vexetais. Na apertura da cuarta edición desta programación Burgo estivo acompañada polo cordinador da actividade, Carlos Vázquez.
O Alcalde de Lugo, José López Orozco, desprazouse á rúa Prado 23 para acompañar a Josefa Pichín Novo na celebración do seu 100 cumpreanos. O Alcalde de Lugo asistiu ao domicilio de Josefa acompañado pola Concelleira de Benestar Social, Carmen Basadre.
O Concello de Lugo celebrou hoxe a novena edición do Certame de Pintura Rápida ao Aire Libre Cidade de Lugo. Na edición deste ano participaron un total de 85 persoas, 79 adultos, 12 máis que o ano pasado e 6 nenos, o dobre do ano anterior. Estes datos confirman, tal e como salientaron o Alcalde de Lugo. José López Orozco, e a Concelleira de Cultura, Concepción Burgo, na entrega de premios, a consolidación dun certame no que “ano tras ano participan máis persoas”.
O Concelleiro de Infraestruturas, José Piñeiro, destacou esta mañá a importancia e necesidade das obras que o Concello está acometendo na rúa Ramón Ferreiro que inclúen unha renovación de servizos. A obra forma parte do Plan E e inclúe un investimento de preto de 694.000 euros. Foron iniciadas o pasado mes de xuño e, segundo o previsto, estarán rematadas en decembro do presente ano.
O Tiro con Arco lucense acadou unha gran vitoria nos XXXIV Campionatos Galegos de Tiro con Arco ao aire libre celebrados durante esta fin de semana na localidade de Paiosaco do Concello da Laracha.
A Concelleira de Economía e Emprego, Sonia Méndez, fixo hoxe un chamamento á cidadanía para que tome consciencia da necesidade de respectar as normas de seguridade viaria, xa que dende que se puxo en marcha o sistema de Foto-Rojo na Ronda da Muralla rexistrouse unha media de 50 infractores ao día.
* O Alcalde da cidade trasladoulle a súa colaboración ao Goberno autonómico ao que lle pediu o seu compromiso con Lugo
O Concello de Lugo apoia decididamente ao sector agrario que segue a ser un eixo de vital importancia na economía galega e, xa que logo, na cidade de Lugo e a súa provincia. Neste sentido, o Concello ven de apoiar no último pleno do 29 de xuño unha moción na que se instaba ao Goberno do Estado e á Xunta de Galicia a:
- Garantir a recollida do leite producido en Galicia.
- Establecer axudas directas aos produtores do leite, para compensar o baixo prezo do leite en orixe, en tanto non se recuperen os prezos de mercado.
Páxinas
- « primeira
- ‹ anterior
- …
- 1580
- 1581
- 1582
- 1583
- 1584
- 1585
- 1586
- 1587
- 1588
- …
- seguinte ›
- última »