O Concello de Lugo a través da Concellería de Cultura e Turismo que dirixe Concepción Burgo puxo en marcha a nova páxina web das festas de San Froilán 2009.
O Alcalde de Lugo, José López Orozco, participou esta mañá na presentación das XXIII Xornadas Penitenciarias Lucenses organizadas pola Asociación Penitenciaria Concepción Arenal Lugo que se desenvolverán na cidade a semana do 28 de setembro. Unha xornada gratuíta destinada aos profesionais e á cidadanía en xeral.
A Xunta de Goberno Local do Concello de Lugo aprobou esta mañá a cesión á Xunta de Galicia do predio urbano municipal denominado Cuartel de San Fernando.
Segundo explicou o Voceiro Municipal, José Rábade, esta cesión realízase para a adecuación do antigo cuartel de San Fernando e dotación de fondos para a futura sede do Centro de Interpretación e Museo da Romanización de titularidade autonómica o que esixe que o Concello ceda á Consellería a titularidade do edificio.
O Alcalde de Lugo, José López Orozco, o Concelleiro de Deportes, José Manuel Díaz Grandío, recibiron na Casa do Concello ao Campión Galego en Contrareloxo, Gustavo Rodríguez, e ao Campión Galego de Fondo en Estrada 2008/2009, José Antonio Cerezo Navia, do Club Ciclista Cidade de Lugo.
Lugo comeza a quentar motores para o San Froilán e a vindeira semana terán lugar xa dúas citas previas ás festas patronais.
O luns 28 de setembro o cantautor catalán Albert Pla presentará no Auditorio Municipal Gustavo Freire o seu último traballo: La Diferencia. O artista presentará a súa montaxe que mestura a música e o teatro, e co que interpretará varios temas do seu último disco.
* A cita gastronómica celebrarase o 7 de outubro, a partir das 19:30 horas, na Praza de Santa María
O Alcalde de Lugo, José López Orozco, o Deputado de Gandería e Alcalde de Castroverde, José María Arias, e o Presidente da Asociación de Criadores de Raza Rubia Galega (ACRUGA), César Dorado, presentaron este martes a primeira degustación de carne de Raza Rubia Galega, que se celebrará o 7 de outubro, a partir das 19:30 horas, na Praza de Santa María.
A Concelleira de Servizos Xerais, Luisa Zarzuela, fixo balance da participación na campaña Concello Saudable que dende o pasado 28 de agosto estivo a percorrer os diferentes barrios da cidade. Posta en marcha polo Concello de Lugo en colaboración coa Consellería de Sanidade co obxectivo de mobilizar, sensibilizar e orientar ao cidadán cara un estilo de vida san en canto ao exercicio e a unha alimentación máis equilibrada, rematou o pasado sábado 19 de setembro cunha marcha saudable na que participaron unhas 100 persoas.
A Delegada de Urbanismo do Concello de Lugo, María Novo, avanzou hoxe que o Concello de Lugo recurrirá a sentencia emitida pola xuíza en relación coas Costas do Parque porque, entende, “entra a cuestionar a tramitación de todas as licencias que se deron nos últimos 18 anos e as contornas de calquera ben protexido en Lugo” que, como expuxo, “son moitísimas”.
* Ademais levaranse a cabo a mellora do alumeado nas rúas Progreso, Teatro e Norias
O 5º Concurso de Tapas de Lugo co que se pretende poñer en valor a cociña da cidade conta xa con máis de 10.500 degustación na súa primeira semana.
A Concelleira de Cultura e Turismo quere recordar que, tal e como recollen as bases, o público poderá degustar as tapas de 13,00 a 15,30 horas e de 20,00 a 22,30 horas mínimo a un prezo entre 1 e 3 euros.
Páxinas
- « primeira
- ‹ anterior
- …
- 1565
- 1566
- 1567
- 1568
- 1569
- 1570
- 1571
- 1572
- 1573
- …
- seguinte ›
- última »