A Xunta de Goberno local do Concello de Lugo aprobou esta mañá a apertura do procedemento de licitación para contratar a explotación da cafetería-restaurante anexa ao Centro de Empresas e Innovación.
Segundo indicou o Voceiro do equipo de Goberno, José Rábade, unha vez rematada a obra, e dada a demanda existente neste complexo polo persoal do centro e o alumnado, así como das empresas alí instaladas, procederase a abrir este proceso de licitación.
A Concelleira Benestar Social e Igualdade, Carmen Basadre, presentou xunto a representantes de asociacións de persoas con discapacidade da cidade o programa deseñado polo Concello de Lugo para conmemorar o Día Internacional das Persoas con Discapacidade, que se celebra o vindeiro 3 de decembro en todo o mundo.
O Alcalde de Lugo, José López Orozco, e a Concelleira de Cultura e Turismo, Concepción Burgo, mantivo hoxe unha xuntanza co Conselleiro de Cultura da Xunta de Galicia, Roberto Varela, para presentarlle o proxecto que está a elaborar o Concello de Lugo con motivo da celebración do décimo aniversario da Declaración da Muralla por parte da UNESCO como Patrimonio Mundial.
O Alcalde de Lugo, José López Orozco, e o piloto lucense Alonso Liste, presentaron esta mañá o primeiro Road Show da cidade e de Galicia que terá lugar o vindeiro 13 de decembro na contorna da Muralla de Lugo. No acto de presentación participaron tamén a Delegada Territorial da Xunta de Galicia, Raquel Arias, e o managger do deportista, Javier López García.
Hoxe, luns 30 de novembro, celébrase o 9º Aniversario da Declaración da Muralla pola UNESCO como Patrimonio Mundial e o Alcalde de Lugo, José López Orozco, e a Concelleira de Cultura e Turismo, Concepción Burgo, animaron a toda a cidadanía a participar no concerto de celebración que terá lugar esta tarde no Auditorio Municipal e “rememorar a felicidade vivida aquel 30 de novembro do 2000”.
A Delegada de Urbanismo, María Novo, e os técnicos municipais mantiveron esta mañá unha xuntanza coa Secretaria Xeral de Urbanismo da Consellería de Medio Ambiente Territorio e Infraestruturas , Encarna Rivas e os técnicos da Xunta de Galicia.
O obxectivo desta xuntanza foi o de establecer a primeira toma de contacto entre administracións e seguir traballando para sacar a diante o Plan Xeral de Ordenación Municipal de Lugo.
O Concello de Lugo procederá mañá a tomar as medidas necesarias para asegurar as instalacións do matadoiro municipal, tendo en conta que a empresa adxudicataria Frimiño deixará de prestar o servizo de maneira unilateral desde esta tarde.
O Concello manterá as medidas de seguridade precisas ata a adxudicación do novo contrato para a xestión do matadoiro municipal que en este momento se atopa en proceso de licitación.
A Facultade de Veterinaria do Campus de Lugo celebrou esta mañan un acto con motivo do 25 aniversario do centro Universitario no que participou o Alcalde de Lugo José López Orozco.
Neste acto, o Alcalde resaltou “o traballo de todos os profesores e profesoras e o esforzo do alumnado que ao longo destes 25 anos posicionaron á Facultade de Lugo nos postos máis relevantes das universidades españolas e que a converteron nun referente para os universitarios do noso país e, incluso, do estranxeiro”.
A Concelleira de Cultura e Turismo, Concepción Burgo, participou na inauguración da exposición que recolle os traballos dos vintedous participantes que se presentaron á décimoquinta edición do Maratón Fotográfico do Campus de Lugo, organizado por Lugo Cultural, e que está aberta no Centro de Convivencia Uxío Novoneyra de Lugo.
A Concellería de Benestar Social e Igualdade, que dirixe Carmen Basadre, organiza para o mes de xaneiro as VII Xornadas de achegamento ao tear tradicional e artesanía da lá. Esta actividade, que terá lugar en dous quendas: entre as 9:30 e as 11:00 e de 11:30 a 13:00 horas do 11 ao 15 de xaneiro no Centro de Convivencia de Fingoi, está dirixida a nenas e nenos dos tres últimos cursos de Primaria.
Páxinas
- « primeira
- ‹ anterior
- …
- 1550
- 1551
- 1552
- 1553
- 1554
- 1555
- 1556
- 1557
- 1558
- …
- seguinte ›
- última »