O Concello de Lugo en colaboración coa asociación Ágora Cultural organiza a lectura pública de textos de Rosalía de Castro na Praza Maior para conmemorar o vindeiro venres, día 23 de abril, o Día Mundial do Libro.
O Alcalde de Lugo, José López Orozco, participou esta mañá na inauguración do de Alcaldes, Alcaldesas e Cidades sobre drogas Europa, América Latina e o Caribe, que terá lugar ata o venres na cidade e manifestou que “o traballo en rede, das familias e dos Concellos é o xeito de facerlle fronte a un problema que é de todos”.
O Concelleiro de Deportes, José Manuel Díaz Grandío, o representante do Club Fuvial en Lugo, Luís Gregorio Ramos Misioné, o responsable da área de orientación do Club Fuvial, Eugenio Rodríguez, e o Xefe Provincial da Secretaría Xeral para o Deporte, José Manuel Rozas, presentaron hoxe o VIII Trofeo El Progreso - Cidade de Lugo de Orientación.
O Concelleiro de Deportes, José Manuel Díaz Grandío, e Graham Green e Carlos Somoza, membros da Asociación Lucense de Coches Antigos e Clásicos, presentaron o VII Rali Cidade de Lugo que se celebrará o vindeiro sábado 24 de abril a partir das 10:00 horas.
Esta proba, que se celebra por sétimo ano consecutivo, desenvolverase ao longo da xornada por estradas de Lugo, Castro Riberas de Lea, Viveiro, Ferreira e Mondoñedo.
A Concelleira de Economía e Emprego, Sonia Méndez, anunciou que Xunta de Goberno Local do Concello de Lugo aprobou a adxudicación provisional das obras de construción dun edificio destinado a biblioteca no barrio da Piringalla á empresa Antalsis SL por un importe total de 1.030.123 euros, e cunha mellora en obra de 177.156 euros.
O Alcalde de Lugo, José López Orozco, e a directora xeral de Ciudadanía Española en el Exterior do Goberno central, a luguesa Pilar Pin, clausuraron o curso de formación de axudante de cociña impartido pola Asociación Provincial de Empresarios de Hostalería de Lugo a 14 mozos descendentes de galegos procedentes de Arxentina e Uruguai.
Un dos obxectivos é mellorar a capacidade dos servizos locais para o tratamento das persoas drogodependentes
A Concelleira de Benestar Social e Igualdade, Carmen Basadre, participou esta mañá na inauguración da Festa da Primavera do Centro de Convivencia Maruja Mallo. Trátase dunha iniciativa que partiu dos usuarios e usuarias do centro e que ten un marcado carácter andaluz.
O programa arrincou esta mañá ás 12.00 horas cunha degustación de fino onde se reuniron unhas 40 persoas.
Case medio cento de persoas participarán en Lugo no I Encontro Galego de Consellos Consultivos do Camiño de Santiago, que presentaron hoxe no Concello o Alcalde, José López Orozco, a Presidenta do Consello Consultivo de Galicia, Teresa Conde-Pumpido, e o Presidente da Deputación Provincial de Lugo, José Ramón Gómez Besteiro.
Hoxe martes, 20 de abril, comezou o período de pagamento do recibo de subministro de auga e recollida de lixo correspondente ao primeiro trimestre do ano. Segundo os datos aumenta o padrón respecto ao ano pasado en 767 altas, o que fai un total de 55.538 recibos.
Como sempre, todos aqueles que teñen domiciliado o pagamento, este pasarase directamente pola súa conta, mentres que todos os demais terán que facer efectivo o pagamento a través das oficinas municipais.
Páxinas
- « primeira
- ‹ anterior
- …
- 1517
- 1518
- 1519
- 1520
- 1521
- 1522
- 1523
- 1524
- 1525
- …
- seguinte ›
- última »